Read pokoot LOK 5 Bible Online

LOK 5 - pokoot bible

LOK 5

¹Mewutyeghö, we ECHOTYON, nyarïl nyo kitwecha Rosa aisïwa arasï nyo kikïnyorucha ompö pungköcha.

²Kacheng pich walaka korencha nyo kikonechanyi kamang pich cho melö kinkïtöcha koricha.

³Kapar pung papotïnecha kelïkunacha pönon kïlïkwï yotïnecha mïsïktin.

⁴Kakïlenchecha ala pögh cho ogheghöy nko kwenka tïkwïl.

⁵Kakïlenchecha akasana tïkwïn cho nïkisöch le sïkïröy kökyoghöchecha wölo möpïswechanye chi kemungö.

⁶Kakïpecha kekïtïngchï pipö Misri nko Asirya akesom kïkonech omisyö tökesöpchenö.

⁷Kigh ngokï papotïnecha amelö tökïmi ye nko acha, wölo kïmicha ye kewongu ompö ngokikwa.

⁸Pïchï ghyongchinecha ye ompö kat kï sekeyi pungköcha, puryö chi nyo muköy kïsörunenecha morikwa.

⁹Kitöninecha kegh tapan nyo wow otini kïpetecha keyörchini kegh omisyo ompöwölo mi rïmï cho pestegho okumpö paren.

¹⁰Keloyecha kwan akïnöghyecha porwöy le ngeset ompö kömöy.

¹¹Kapatal pungköcha korucha ompö kanasyanta Sayon* ori akïpatal tïkwïl tipi cho kïltït ompö kanastina Yuda.

¹²Kakïrang kepa keket kintöghoghicha amelö konyïtöy poyicha.

¹³Kakichikyï chumwak kïngagha pagh le sekey, churyonu karachina cho kikitö kïkösönï kwen cho nïkisöch.

¹⁴Melö tökïsötöy poyï ngal akurur pich amelö tökïtumöy chumwak tumwöy.

¹⁵Mökïminye ngörekyö orincha, kawaghaka turönencha kïlïkwï rira.

¹⁶Mökïminye kïgh nyo kïkwolocha kegh nyo kingötï nyarïl nyo tya nyi nya wey kökïnyorï akwompö ngokï cho kikighacha!

¹⁷Kikösyö acha mïkulis akïtïpecha lok konyïn tömökerosïtone lasiny.

¹⁸Ompöwölo kipegha pich kutïng pö Sayon kuwes kalïkwï wölo pestegho chepkonöw.

¹⁹Wölo ichinyi pöytoghin nyo pö kokay, we ECHOTYON ipöytonenyi pïnwöy nko pïnwöy.

²⁰Kölö ne tewutyeghenechanyi nyo kogh nyo tenö nyï? Atenonechanyi ngat nya wey?

²¹Yokwecha ngat kepkana wölo imitenyi, we ECHOTYON yokwecha ororyenyo le nyo kipö tagh.

²²Eso nyu ato ketaghechanyi ana kokay! Ayo, kenörekyechanyi so nyoman?