Read pokoot ESEKEL 41 Bible Online

ESEKEL 41 - pokoot bible

ESEKEL 41

¹Kumïtanïn chichay ngat nko kö nyo mi kwen akupim kïrurut nyo lïtu köyete kïlïkwï miten sömök kïröytö.

²Akïlïkwï miten mut ompö töpesïn nko nïyet cho le miten odeny nko nïsï tïrusïntö ompö wop anka tïkwïl kï miten tömönut odeny ompö koghïn kï miten taman ompö töpesïn.

³Atolapay kïlït nyinte köyay ori akupim kïrurut nyo lïtöy ori kïlïkwï mita akonga kïröytö akï miten sömök töpesïntö nko nïyetwe cho le miten sömök nko nïsï tïrusïntö.

⁴Kupim köyay ori kïlïkwï miten taman wop anka tïkwïl koghïnto nko töpesïntö, kimi köyï köyay mi kwen wölona. Atolapay kïlenchanïn, “Köyete kï Wölo Tïlil Tya.”*

⁵Kupim chichay tïrusyo nayatu Kö pö Tororöt okumpö ori kïlïkwï miten, kirop korïn cho mïnkech cho le miten odeny ompö töpesïn kuwit.

⁶Kimi koropen cho le sömök cho kimi korïn ori cho le tömönut sömök tïtïka akonga. Kimi pchörinö cho kiwit nayatu Kö pö Tororöt cho kisok korichay kïnam kamasu nayat nyo möminye kïgh anka nyo kikitö kïsok korichay.

⁷Kipöroyöch korichay kiwit Kö pö Tororöt löwïr kïrïp kegh teksyo nyo kiwit kïghomï Kö pö Tororöt kikitek kïsïch wölo kïpustegho, nyo pöroyöch itu korïn le otini kïpustoy kimi rengeröy kïngeta tïtïka to ntökwit tïtïka ompö parak kurel tïtïka nyo mi kwen.

⁸Asïwena lö kisïtote ato kighyongo Kö pö Tororöt, kimiten odeny nko nïsï ompö poroyïn, kilïkwï nyoni kitorutyo korichay.

⁹Kimiten odeny nko nïsï ompö töpesïn nïyetwo korichay ompö okumpö sany ki miten taman kïrurutyö nyo kipesyö kori Kö pö Tororöt

¹⁰nko wölo pöghisyegho tïsï kuwit.

¹¹Kimi kukot kïrurutyonay cho kilïto korichay mi kamas nko kamas kimi akong okumpö löt kïlö anka okumpö tagh, kimiten taman ompö töpesïn tïtïka kïrurut kuwit.

¹²Ki miten 45 kot nyo portoy Kö pö Tororöt ompö koghïn, kï miten 35 ompö töpesïn, kïlïkwï nayatu miten odeny nko nïsï ompö tïrusïn kuwit.

¹³Kupim chichay okumpö sany kïlïkwï miten tömönut mut ompö koghïn, kïlïkwï miten tömönut mut kïkömörö kwoghyö kïrurut ompö lötu.

¹⁴Kïlïkwï miten tömönut mut kïkömör tawu Kö pö Tororöt ompö okumpö kongasis.

¹⁵Kupim koghïn pö köyay ompö okumpö ta nko tïrusïntine ompö woptine kwodeny kïlïkwï miten tömönut mut. Mi ko nyo kïlïto Kö pö Tororöt nko wölo tïlil nko Wölo Tïlil Tya.

¹⁶Kikïteka nyu köyoni ket kïngeta ngwïny ntökwit tïrisya. Kikimuköy keköröy tïrisyenichoni.

¹⁷Kikïmina nïyetwo Kö pö Tororöt löwïr kïngeta ngwïny ntökïtïl kukat tïkwïn cho kikipat

¹⁸akemina keti sos kerupimtin.* Kirïpökegh kerupimtinchoni kuwit nayat, kitïng kerupim anka tïkwïl tokochtin odeny.

¹⁹Ki tokochu chi anka nyo kipötoy sos ompö kareran, kïpö ngötuny tokochu anka nyo kipörtoy kareran, kilenye nyoni kuwit nayat kïmïkul

²⁰kïngeta ngwïny ntökïnam polowo kukat nyo pö Wölo Tïlil.

²¹Kikarkegh pölöwo kuka Wölo Tïlil wölini nko wölini. Kimi kïgh tawu kukat wölo kïlïto Wölo Tïlil Tya nyo lata

²²ato kïpelo amöros nyo kikigha kot nyo le miten akonga nïsï kutok kï mita akonga ompö töpesïn, kikigha ket koneni nko wölo ghyongo nko woptine löwïr, kïlenchini chichay, “Mesanï nyo mi tawu ECHOTYON.”

²³Kimi tekechonta sörömu apukenay lïtöy kutöngöy Wölo Tïlil nko wölo lïtöy Wölo Tïlil Tya.

²⁴Ki odeny tekech akeyotöy kwen kutang are kunto nko ore kumporö.

²⁵Kikigh tekechonto kuka Wölo Tïlil akemina sos nko kerupimtin le chay kikighchï nïyet, kimi ket nyo kirel nyo lenye nyay mi okumpö sany

²⁶nko tïrisyen cho mi kamas nko kamas akikïsïlosïlö nïyetwe sos.