Read pokoot KIYITUT 17 Bible Online

KIYITUT 17 - pokoot bible

KIYITUT 17

¹Kïlenchï ECHOTYON Musa,

²“Mwochinö pipö Israel kïkoninyi lïkip taman nko odeny, akonga ompö kintöghoghinto or anka tïkwïl. Aikirchï kaynata chi tïkwïl lïkïnyi,

³aikirchï kaynata Aron nyo pö Lawi. Lïkïp akonga ompö kintöghoghinto or anka tïkwïl.

⁴Atolapay ip lïkipchoni Ema nyo mi ECHOTYON* aitö tawu Santuku Muma* wölay onyoryeghonan nko akwa.

⁵Sïlöy nyu lïkïp nyo pö chi nyo okïlan, atö aghan pïchï pö Israel kïsisyö atömökïngwïngwïronchokwa.”

⁶Kïngölonchï nyu Musa pipö Israel löwïr, kutö kintöghoghikwa Musa lïkip taman nko odeny, akonga ompö or akonga akimi lïpö Aron nko lïkipchoni.

⁷Kutö Musa lïkipchay, tawu ECHOTYON ompö Ema nyo mi ECHOTYON.

⁸Kïwö nyu Musa asisto odeny kutang Ema nyo mi ECHOTYON, kïlö aros kisïl lïpö Aron nyo pö ara Lawi, akiwirta tapïk akuyin akwa mlosi.

⁹Kwipï Musa lïkipchay lapay akuporchï pipö Israel, kuros chane akïcheng chi tïkwïl lïkïnyi kuyoda.

¹⁰Kïlenchï ECHOTYON Musa, “Yodena lïpö Aron aitö tawu Santuku Muma, atökïlïkwï kinonut ompö penyi pipö Israel tökuwonyö ngwïrngwïronötengwa ompö ani tömömeghö.”

¹¹Kwigh nyu Musa lenyini kimwochï ECHOTYON.

¹²Kïlenchï pipö Israel Musa, “Kikewonyecha nyu lömïs nyu.

¹³Ato ngwïn chi kïrikyï ompö nyini le Ema kwïle, kïmeghöyï? Kiwonyenecha so lömïs?”