Read pokoot KIYITUT 26 Bible Online

KIYITUT 26 - pokoot bible

KIYITUT 26

¹Otini kiwonyö sömewö, kïlenchï ECHOTYON Musa nko Eleasar wero Aron,

²“Yitö pipö Israel löwïr kïpeghategha ortïn, mïrön cho tïng könyis tömönut odeny kutok, cho kikumï kïpa poryot.”

³Kilenyona kïmwochï Musa nko Eleasar nyay le tïsin chane, ompö tömköyi Moap ompö Yeriko ato lekïto Yordan lö,

⁴“Yitö mïrön nyo tïng könyis tömönut odeny kutok lenyini kimwochï ECHOTYON Musa.” Kituyechï chane mpöghoghyo Moap atoriktoy Yordan ompö Yeriko. Pipö Israel cho kipkana koro Misri kï chï.

⁵Pipö ara Rupen poretya Yakopo kï: pipö ara Anok nko Palu

⁶nko Esron nko Karmi.

⁷Kilïkwï chane mïrön 43,730.

⁸Pipö ara Palu kï Elyap

⁹nko werkachi, Nemuel nko Datan nko Apiram. Datan nko Apiram chay kikïl pich, chane chay kitagh Musa nko Aron akïnamata kegh nko pipö Kora atay kitagh chane ECHOTYON.

¹⁰Kiyata ngwïnya akulum chane nko Kora nko pikachi ato kipel ma mïrön 250, kïlïkwï chane kiporunöt ompö pich.

¹¹Wölo melö kikïpar werpö Kora.

¹²Pipö ara Simion kï: pipö ara Nemuel nko Yamin nko Yakin

¹³nko Sera nko Syaul.

¹⁴Kïlïkwï chane mïrön 22,200.

¹⁵Pipö ara Kad kï: werpö ara Sepon nko Aki nko Syuni

¹⁶nko Osni nko Eri

¹⁷nko Arod nko Areli.

¹⁸Kilïkwï chane mïrön 40,500.

¹⁹Pipö ara Yuda kï: werpö ara Syela nko pipö Peres nko Sera nko Esron nko Amul. Kökikuwonyechï Er nko Onan werpö Yuda koro Kanan.

²⁰

²¹

²²Kilïkwï pïchoni pö ara Yuda mïrön 76,500.

²³Pipö ara Isakar kï: werpö ara Tola nko Pua

²⁴nko Yasyup nyo pö ara Yasyup nko Syimron nyo pö ara pipö Syimron.

²⁵Kilïkwï chane mïrön 64,300.

²⁶Pipö ara Saplon kï: pipö ara Sered nko Elon nko Yaaleel.

²⁷Kilïkwï chane mïrön 60,500.

²⁸Pipö ara Yosep kï: Manase nko Epraim.

²⁹Pipö ara Manase kï: Makir, kiyï Makir Kiliad.

³⁰Pipö ara Kiliad kï: pipö ara Iyeser nko Elek

³¹nko Asriel nko Syekem

³²nko Syemida nko Eper.

³³Kimöyïnye worö Selopead wero Eper, wölo kiyï tipïn, kaynötutkökwa kï: Mala nko Noa nko Okla nko Milka nko Tirsa.

³⁴Kilïkwï chane mïrön 52,700.

³⁵Pipö ara Epraim kï: pipö ara Syutela nko Peker nko Taan.

³⁶Kiyï Syutela pipö ara Eran.

³⁷Kilïkwï pipö ara Epraim mïrön 32,500. Achï nyu pipö ara Yosep.

³⁸Pipö ara Penchamen kï: pipö ara Pela nko Aspel nko Airam

³⁹nko Syepuam nko Upam.

⁴⁰Kiyï Pela pipö ara Ard nko Naaman.

⁴¹Kilïkwï chane mïrön 45,600.

⁴²Pipö ara Dan kï: pipö ara Syuam.

⁴³Kilïkwï chane mïrön 64,400.

⁴⁴Pipö ara Asyer kï: pipö ara Imna nko Ispi nko Peria.

⁴⁵Kiyï Peria pipö ara Eper nko Malkiel.

⁴⁶Kitïng Asyer cheptanyi nyo kikïkuro Sera.

⁴⁷Kilïkwï chane mïrön 53,400.

⁴⁸Pipö ara Naptali kï: pipö ara Yaaseel nko Kuni,

⁴⁹nko Yeser nko Syilem.

⁵⁰Kilïkwï chane mïrön 45,900.

⁵¹Pipö Israel löwïr cho le mïrön kï 601,730.

⁵²Kïlenchï ECHOTYON Musa,

⁵³“Chöghchinö koronï ortïna pipö Israel kïrïp kegh nko kiyitötengwa.

⁵⁴Ichagh kore ompö kura, itö kore nyo wow pich cho chang itö nyo mïnïng pich cho ngörï kïrïp kegh nko kiyitötengwa.”

⁵⁵

⁵⁶

⁵⁷Pipö Lawi kï pipö ara Kersyon nko Koat nko Merari.

⁵⁸Chï kï pipö ara Lawi tïkwïl: pipö ara Lipni nko Epron nko Mali nko Musyi nko Kora. Koat kï papoto Amram.

⁵⁹Kaynata koko Amram kï Yokeped nyo kikïyichï Misri. Kiyichï Amram wor odeny, Aron nko Musa nko cheptö nyo kïkuro Miriam.

⁶⁰Kitïng Aron wor angwan, Nadap nko Apiu nko Eleasar nko Itamar.

⁶¹Wölo kima Nadap nko Apiu otini kiropchï ECHOTYON ma nyo melö tïlil.

⁶²Monïngo pipö Lawi cho le wor cho kitïng arawa akonga kutok kï ki 23,000 kikiyit chane kïsis ompö pipö Israel, ompöwölo melö tïng chane mïlat ompö kwenu pipö Israel.

⁶³Kiyit Musa nko Eleasar ortïnechï löwïr pö pipö Israel ompö mpöghoghöyi Moap atoriktoy lalwa Yordan ompö Yeriko.

⁶⁴Möminye chi ompö akong nyo kingötï ompö pïchay kiyit Musa nko Aron surkwen pö Sinay.

⁶⁵Ompöwölo kökilö ECHOTYON meghsot chane löwïr ompö surkwen, kïpoto Kalep wero Yepune nko Yoswö wero Nun.