Read pokoot KIYITUT 7 Bible Online

KIYITUT 7 - pokoot bible

KIYITUT 7

¹Otini kiwang Musa kïtek Ema nyo mi ECHOTYON* akuyil akutïlil nko kari lapay nko ato kïpelo amöros nko karichi,

²kïpka nyu kintöghoghi ortïna, pipö Israel nko yetïntino kori pipö Israel cho kighyongchini kiyitöt,

³kwipï ropöwekwa tawu ECHOTYON: Nkaritin mut nko akonga cho lumote nko eghin taman nko odeny, nkari akonga ompö kintöghoghï odeny egh akonga ompö kintöghoghin akonga. Kutötö nyu tïkuchoni ompö tawu Ema ECHOTYON.

⁴Atolapay kïlenchï ECHOTYON Musa,

⁵“Chenga ropöwechï atökïpöyit ighisyö nyo kigho Ema, tönö pipö Lawi kïrïp kegh nko ighisyengwa.”

⁶Kilenyona kïcheng nyu Musa nkarinechay nko eghine akutö pipö Lawi.

⁷Kutö pipö Kersyon nkaritin odeny nko eghin angwan kirip nko pöghisyengwa,

⁸kutö pipö Merari nkaritin angwan nko eghin mut nko sömök kïrïp kegh nko pöghisyengwa. Itamar wero Aron nyo kighyongchini ighisyengwa.

⁹Wölo metönye kigh pipö Koat ompöwölo kiripöy chane tïkwïn cho tïlilöch cho kikïsïto löyos.

¹⁰Kipï tïkwïl kintöghoghï ropöwekwa ompö kitïlilöto ato kïpelo amöros ompö asis nyo kikiyilöy, kutötö nyu kintöghoghï ropöwekwa ompö tawu ato kïpelo amöros.

¹¹Kïlenchï ECHOTYON Musa, “Tötoy kintöghoghintö anka tïkwïl ropöwontenyi asis akonga akonga ompö kitïlilöto ato kïpelo amöros.”

¹²Kitötö chane ropöwekwa kïrïp kegh le nyï: [Asis] — [Or] — [Kintöghoghinte] 1. — Yuda — Nasyon wero Aminadap 2. — Isakar — Netanel wero Suar 3. — Saplon — Elyap wero Elon 4. — Rupen — Elisur wero Syedeur 5. — Mut — Simion Syelumiel wero Surisyadai 6. — Kad — Elyasap wero Deuel 7. — Epraim — Elisyama wero Amiud 8. — Manase — Kamaliel wero Pedasur 9. — Penchamen — Apidan wero Kidyon 10. — Dan — Aieser wero Amisyadai 11. — Asyer — Pakiel wero Okran 12. — Naptali — Aira wero Enan. Chï kï tïkwïn cho kipï chane: Tïwan akonga nyo pö silpa nyo ngata nïkisïntanyi kilen odeny nko otupo silpa nyo pö kramtin 800 cho kikïpöghisyegho osiswechoni, akinyïghï kwodeny pïsya cho kikinyoryö nko mwagh cho pö ropöwo pagh nko kichikö akonga nyo pö koltin nyo pö kramtin 110 nyo kinyïghï tïkwïn cho ngutoy cho onyïn nko ngaryan akonga nko makal akonga nko wawa kech nyo pö köny akonga cho pö amöros nyo kïpelöy nko aran akonga nyo pö ro(...)

⁸⁴Chï kï ropöw löwïr cho kipï kintöghoghi Israel kï taman nko odeny ompö kitïlilöto ato kïpelo amöros: pakulin taman nko odeny cho pö silpa nko karayen taman nko odeny cho pö silpa cho ngata kilenikwa 28 sanino koltin taman nko odeny cho ngata kilö akonga eghin 12 nko mökol 12 nko wara kechir 12 cho tïng köny akonga kïmi nko ropöwo pagh cho kitötoy kïlïkwï ropöw cho kïpelöy ngaror 12 cho pö ropöwo ngokï eghin 24 nko mökol 60 nko ngaror 60 nko wara kechir 60 cho tïng köny akonga cho pö ropöwo pöghisyö.

⁸⁹Otini kilït Musa Ema atökïngalan nko ECHOTYON, kïlïm nyinte ECHOTYON kïngölono paraku köröwonto Santuku Muma* ompö kwenu kerupimtin.*