Read pokoot MATAYO 1 Bible Online

MATAYO 1 - pokoot bible

MATAYO 1

¹Nyï kï kitapu tötut pö ara yiyo Yeso Kristo nyo kipö ara Daudi nyo pö ara Apraam.

²Kiyï Apraam Isak, kïyï Isak Yakopo, kïyï Yakopo Yuda nko werkökwa.

³Kiyï Yuda Peres nko Sera nyo ki kame Tamar. Kiyï Peres Esron, kïyï Esron Ram,

⁴kïyï Ram Aminadap, kïyï Aminadap Nasyon, kïyï Nasyon Salmon,

⁵kïyï Salmon Poas nyi ki kame Raap. Kiyï Poas Oped nyo ki kame Rus, kïyï Oped Yese,

⁶kïyï nyu Yese pöytoghin Daudi. Kiyï Daudi Solomon nyo kiyichï koko Uriya.

⁷Kïyï Solomon Reopoam, kïyï Reopoam Apiya, kïyï Apiya Asa,

⁸kïyï Asa Yeosyapat, kïyï Yeosyapat Yoram, kïyï Yoram Usia,

⁹kïyï Usia Yotam, kïyï Yotam Aas, kïyï Aas Esekia,

¹⁰kïyï Esekia Manase, kïyï Manase Amon, kïyï Amon Yosia,

¹¹ kïyï Yosia Yekonia nko werkökwa. Ompö osis cho kikïrang pipö Yaudi kïpa koro Papilon kïrötote.

¹²Kiyï Yekonia Syealtiel otini kikikerang pipö Yaudi kïpa koro Papilon, kïyï Syealtiel Serupapel.

¹³Kïyï Serupapel Apiud, kïyï Apiud Elyakim, kïyï Elyakim Asor,

¹⁴kïyï Asor, Sadok, kïyï Sadok Akim, kïyï Akim Elyud,

¹⁵kïyï Elyud Eleasar, kïyï Eleasar Matan, kïyï Matan Yakopo,

¹⁶kïyï Yakopo Yosep nyo kilïkwï santa Marya yoto Yeso, nyo kïkuro Masiya.*

¹⁷Kïlenyona kilïkwï pïnwöyi löwïr taman nko angwan kïngeta Apraam ntökwït Daudi akïlïkwï pïnwöy taman nko angwan kïngeta Daudi ntökïtenö kerang pich kïpa Papilon kï rötote akïlïkwï pïnwöy taman nko angwan kïngeta atoni ntökïtenö keyï Kristo.

¹⁸ Lenye nyï wölo kikïyiytö Yeso Kristo. Otini kilotokïn Yosep Marya wölo kitomönye kïchömisyö, kesöwï lö, kimirsïyi ompö owesyo Mïkulögh nyo Tïlil.

¹⁹Kïmach Yosep nyo kikikulotokïn nyinte kïpïstö ompö sison, ompöwölo ki chi pö man kimömöchönye kutöni Marya arasï ompö tawu pich.

²⁰Wölo otini kitökïmi kunonsïyi, kungwïnchï nyinte malaykayanta Echotyon ompö kirwotïtogh akïlenchï, “Yosep, wero Daudi, mewagh ip korkengu Marya, ompöwölo kömirsyö nyinte monïng ompö owesyo Mïkulögh nyo Tïlil.

²¹ Yiyöy nyinte monïng nyo le weri, aikurenenyi nyinte Yeso, ompöwölo söruno nyinte pikachi ngokikwa.”

²²Kighisyö ngalechï löwïr kïpïntö lö man ngölyon nyo kimwa Echotyon ompö kuti werkoyon lö

²³ “Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

²⁴Nyini kingeta Yosep rïwön, kwigh le nyaye kömwochï malaykayanta Echotyon, kwip Marya kïlïkwï korkenyi.

²⁵ Wölo kimörikyïcha kegh ntökïtenö kïyï Marya. Kikurö Yosep kaynenyi Yeso.