Read pokoot MATAYO 6 Bible Online

MATAYO 6 - pokoot bible

MATAYO 6

¹ “Orip kegh moporï ighisyewutkökwo cho karamach cho pö saghat ompö tawu pich lö tökesïwak. Ato aghakwa lenyoni melö tonyorunekwa ropöwon ompö Paponkwa nyo mi yïm.

²“Kïlenyona nyu, ato itö kïgh chi, itötö ompö sison mengalana, tömekarkegh nko pich cho le lïsï cho ighöy lenyoni ompö kori sowut nko ompö ortïna kanastin atökïkwol pich chane. Omwowokwa nyoman lö kikïnyorï chane ropöwontengwa.

³Wölo ato itö chi kïgh, mekany kunkïtï ewungu nyo pö löt kïgh nyo ighöy ewungu nyo pö tagh.

⁴Tötenö ropöwontengu ompö wïngat atökïkonïn ropöw Papongu nyo sïwïyi tïkwïn cho wïngote.

⁵ “Akwotini osoghöy, makarkegh nko pich cho le lïsï, cho chömöy kïsoghöy kughyongo kori sowut nko wölo sochegho ortïna atökumï pich kïsïwa chane. Omwowokwa nyoman lö kikïnyorï chane ropöwontengwa.

⁶Wölo ato isoghöy, iwö ilït kongu aikar kukat aisagh Papongu nyo melö kïsïwïyi atökïkonïn Papongu ropöwon nyo sïwïyi tïkwïn cho wïngote.

⁷“Akwotini osoghöy, mepöghisyeghö ngal cho chang cho puryö kinyiwut, le wölo lata pich cho melö tïng kighanat cho lenchini kegh terchini Tororöt chane ompöwölo soghöy nyo kogh.

⁸Makarkegh nko chane, ompöwölo nkït Paponkwa möchukökwa kïtomö osomökwa nyinte.

⁹Asagha nyu le nyï: ‘Paponyo nyo mi yïm, Nya kïtïlitit kaynengu.

¹⁰Nya kungwïn Pöyunötengu. Nya kwigha machatengu ompö ngwïny le wölo lata ompö yïm.

¹¹Konecha asisete omisyenyo nyo mïchinech,

¹²Löstewecha lelutköcho cho kakïlel, le wölo kïlöstoghchinecha pich cho lelwecha.

¹³Amemïtyecha wölo mi tyamata, wölo isörunenech Onyöt.’[1]

¹⁴ “Ompöwölo ato olöstoghchikwa pich lelutkökwa, kïlöstowokwa tïkwïl Paponkwa nyo mi yïm,

¹⁵wölo ato molöstoghchikwanye pich lelutkökwa, kïmölöstowokwanye Paponkwa nyo mi yïm lelutkökwo.

¹⁶“Ato okïruröy, makany kïsilonchö tökochwekwo le lïsï, ompöwölo lisöy chane tokochwekwa atökïsïwa pich lö mi chane kïkïruröy. Omwowokwa nyoman lö kikïnyorï chane ropöwontengwa.

¹⁷Wölo ato ikïruröy, iyil mötïngu aiwun tokochungu,

¹⁸atömösïwin pich lö ikïrurenyi, kïpoto Papongu nyo mesïwïyenyinye ompö konyiku. Konïnyi nyu ropöwon Papongu nyo sïwïyi kïgh nyi ighenyi ompö sison.

¹⁹“Mororchï kegh kaplawachtin ompö ngwïny, wölo omo rirïm nko köpumpï akïwiröy chorï atökïchor.

²⁰Wölo ororchinö kaplawachtinekwo yïm wölo memuköcha rirïm anta köpumpï ntökuwur akïmemuköcha chorï ntökïwir akïchor.

²¹Ompöwölo mi mïkulöwungu wölo mi kaplawachtangu.

²²“Kong kï kitömöwonto por, nyo ato karam kontangu, kïmi löpoyïn kïmïkul.

²³Wölo ato gha kontangu, kïmi tuwïn portöngu kïmïkul. Kïlenyona ato tuwïn löpoyïn nyo mi oringu, kïtuwitu nyu kïtya tuwïnoni!

²⁴“Möminye chi nyo pöghisyechini echot odeny, ompöwölo töghöy anka kïcham anka, anta terchï nko anka kïsas anka. Momukekwanye topöghisyechï Tororöt nko mökosyö.

²⁵“Kïlenyona omwowokwa lö, mosus kegh ompö tïkwïn cho kyomöy anta cho kïgheghöy anta cho kïloköy. Mötïlönye so söpon omisyö anta tïl por sïro?

²⁶Arose törit, cho melö kötkötisïyi amelö ilsïyi amötïngcha töpoton. Wölo pöghöy Tororöt chane. Melö so opokwa tösunöt nyo wow kïtïl törit?

²⁷Akï ngo ompö akwa nyo ato sus kegh kumuköy kïtas kite osiswechi ompö ngwïny?

²⁸“Kwompö ne nyu tosusokwa kegh sïro? Arose wölo pitïtoy tapïkoy pö wuw, cho meghöcha ighisyö anta nöpchï kegh sïro.

²⁹ Wölo omwowokwa lö kïrkegh ki oror pöytoghintö Solomon lö ne, kïmelö kiloköy sïro cho pïchighöch le tapïkoychï.

³⁰Wölo atö minöy Tororöt sus, cho nyörilöch ye akwasïyech kïyomö akepel, kïmemukönye nyinte tökulokwekwa sïro kïtïl? Heywey akwa cho mïnïng kighanata!

³¹Kïlenyona nyu, mosus kegh lö, kyomecha ne anta kïgheghecha ne anta kilokecha ne?

³²Ompöwölo yöröy pipö punton tïkuchoni löwïr akunkït Paponkwa nyo mi yïm lö otïngetekwa machat nyo pö tïkuchoni löwïr.

³³Wölo ayara kïny Pöyunöto Tororöt nko mantanyi tökïtöswokwa nyinte tïkuchoni löwïr.

³⁴Kïlenyona, mosusö kegh ngala asïyech, ompöwölo suso kegh asïyech ngalechi.