Read pokoot KINONO KIRURUT 7 Bible Online

KINONO KIRURUT 7 - pokoot bible

KINONO KIRURUT 7

¹“Mïtokwa ECHOTYON Tororötïnkwa ntat koronini opetekwa ochengöy. Yonöy nyinte puntonichï chang. Choni kï: pipö Ititi nko Kirkasyi nko Amori nko Kanan nko Peris nko Ipiti nko Yepusi. Owesöch puntonichoni le mut nko odeny kïtïlakwa.

²Otini ketö ECHOTYON Tororötïnkwa chane morikwa apar chane kuwonyö lömïs. Mam mis nko chane amotöp ntosyonchï.

³Moyilchï tipikwo werkökwa amakany kwip werkökwo tipikwa.

⁴Ompöwölo wöghököy chane ato le asïyech monekwa kïtagh kïsagh ECHOTYON akïsagh tororötine walaka. Kïngwanit nyu ECHOTYON lakat ompö akwa, atökuwangakwa lawel.

⁵Kïlenyona anganya ato kïpelo amöros arul pchörinekwa cho tïlilöch atörotör tororötïngwa Asyera* apel körkeyïntinekwa cho kipötöy.

⁶Agha lenyoni ompöwölo ochikwa pich cho tïlilöch ompö ECHOTYON Tororötïngwo. Kakïngotokwa nyinte alïkuna pikachi kegh, ompö kwenu puntoni walaka löwïr ompö ngwïny.

⁷“Molenchï kegh kichamakwa ECHOTYON anta kïlakwa ompöwölo kyochikwa chang kïtïl piko walaka löwïr. Kyochikwa ngörï kïtïl pikö walaka löwïr.

⁸Wölo kigh ECHOTYON lenyoni, ompöwölo chömokwa akimököy kupuntoy kiyomisötenyi nyo kimwochï papotïnekwa. Nkanyoni tökumïtwakwa ECHOTYON ompö owesyenyi akïsörunenokwa kö pö sekeynön ompö mori Parao, pöytoghinto Misri.

⁹Kïlenyona onkïtï lö, ECHOTYON Tororötïnkwa kï Tororöt nyo ghanate. Komönöy nyinte mumenyi nko chomnyenyi nyo melö wöghöko ompö pich cho chömöy nyinte akïrïpöy kirurutkachi, ntökwitïta pïnwöy cho makïrar.

¹⁰Wölo melö tomtomönöy nyinte kïghokyï pich nyarïl cho reyöy nyinte.

¹¹Kïlenyona oripö kirurutkachi löwïr cho omwowokwa asete.

¹²“Ato alïmakwa kirurutchï arip nyoman, kïkomönöy nyu ECHOTYON Tororötïnkwa mumenyi nyo kyam nko akwa akuporwokwa chomnyenyi nyo möminye söröm le wölo kiyomisyï papotïnekwa.

¹³Kichamakwa akusoyönokwa akïtas yiyenkwa akusoyön parenikwa atonyorunö pagh nko dipay* nko mwowöyi arol, akïtas kyakikwa, ompö kor nyo kiyomisyï papotïnecho lö okonokwa.

¹⁴Kisoyönokwa kïtïl pipö punton löwïr. Möminye kwenunkwa chi nyo le ngetat anta korka anta ompö kyakikwa nyo lïku sonö.

¹⁵Akïchengenokwa ECHOTYON kichïr anka tïkwïl. Melö konokwa sömewutchay ghach onkïtökwa pö koro Misri, wölo töni choni löwïr pungkökwa cho reyokwa.

¹⁶Awany nyu pich löwïr cho töni ECHOTYON Tororötïnkwa morikwa amakany kusyonok chane. Amopöghisyechï tororötinekwa, ompöwölo lïku ngöghöp choni ompö akwa.

¹⁷“Mamwagh ompö mïkuliskökwo lö, ‘Chang puntonichï kïtïlecha. Mökimukechanye keyone.’

¹⁸Maway chane. Anan lasiny kïgh nyo kighchï ECHOTYON Tororötïnkwa Parao nko pikachi.

¹⁹Anana työmutchanye echön kyasïwekwa nko kiporut nko töngönchin nko owesyenyi nyo wow nyo kimïtunenokwa nyinte koro Misri. Kïlenyona ighchini ECHOTYON Tororötïnkwa lenyoni punton löwïr cho owöghekwa.

²⁰Akï melö choni opïn, yonchini nyinte chane karam nyo kïrkegh kölentöy kïghïpchot kïtö kuwonyot.

²¹Maway chane, ompöwölo mi ECHOTYON Tororötïnkwa nko akwa. Nyinte kï Tororöt nyo awes nyo pö otyogh.

²²Akïyonöy nyinte puntonichoni kukentoy kïngörï. Akïpar chane lawel, atömöchangit tïpö wudïn.

²³Töni ECHOTYON Tororötïnkwa chane morikwa akïkwanykwany ntökewany chane lömïs

²⁴Akutö pöytoghi pïchoni morikwa. Opörekwa chane kuwonyö lömïs ompö ngwïny. Möminye chi nyo muköy kïmirokwa kegh, oporekwa chane lömïs.

²⁵Apelekwa körkeyïntinekwa cho kipötöy. Mopïrchï ropïyen anta koltin cho kikïminchï körkeyïntinekwa atömölïkwï choni ngöghöp ompö akwa ompöwölo ghöchini ECHOTYON Tororötïnkwa.

²⁶Motö nyu korikwo körkeyïntinechoni, atömalïkwï pich cho chïpote. Atagha asas körkeyïntinechoni ompöwölo chïpote ompö ECHOTYON.