Read pokoot RUMI 6 Bible Online

RUMI 6 - pokoot bible

RUMI 6

¹Kïmwoghecha ne nyu nya? Kilet ye tagh ketïpï otöp nyo pö ngokï atökïtasa pöropcho Tororötï?

²Ewo kokay! Ompö ngala ngokï kïlatecha pich cho kimeghö, kimukecha nyu lö, ne kelete tagh keghe ngokï?

³Ompöwölo onkïtökwa nyoman lö, otini kikipatisanecha kelinyenö nko Kristo* Yeso, kï kikipatisanecha kelinyenö nko meghenyi.

⁴ Kikïmeghyecha nyu nko nyinte otini kikipatisanecha aketïpecha nko nyinte, atökemuka nyu ketutunö lenyini kitutï Kristo ompö ororyeto kwanta atömanyïl ketïpï tïkwïl otöp nyo pö söpon nyo rel.

⁵Ompöwölo le otini kikelïkucha akonga nko nyinte ompö meghat nyo lata nyenyi, kelïkunecha akonga tïkwïl nko nyinte ompö kitutunöt nyo lata nyenyi.

⁶Kinkïtöcha lö, kikewudochï otöptöncha nyay pö köny kimurtöwon nko nyinte atömanyïl kewur otöptöncha nyo pïrchini ngokï atömakelïkunacha ngat sekeyi ngokï.

⁷Ompöwölo ato kakïma chi, kï ketyaka ompö owesyo ngokï.

⁸Wölo ato kikemeghyecha nko Kristo, kighönecha lö, kïsöpchonecha nko nyinte.

⁹Ompöwölo kinkïtöcha lö kikitutunö Kristo ngwen, amelö tökïmeghöy ngat, nyo mökïtïngnye meghat owesyö ompö nyinte.

¹⁰Kima nyinte megha ngokï kïnyïl akonga akumuchö, wölo möngisïyi nyinte ye ompö linyogh nko Tororöt.

¹¹Kïlenyoni tïkwïl mïchinokwa, oyitö kegh le pich cho kimeghö ompö ngokï, wölo cho söpchote ompö linyogh nko Tororöt ompö Kristo Yeso.

¹²Kïlenyona, macham kïpayta ngokï porwöyikwo cho wonyot ntoterchikwa pïrchinoghtinechi.

¹³Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

¹⁴Makany kïpaytak ngokï, ompöwölo melö tomitenökwa ngwïnyi kirurut, wölo omitekwa ngwïnyi pöropcho Tororöt.

¹⁵Kïlentecha ne nyu nya? Kighacha nyu ngokï ompöwölo mökïmichanye ngwïnyi kirurut, wölo kïmicha ngwïnyi pöropcho Tororötï? Ewo kokay!

¹⁶Ompöwölo monkïtökwanye so lö otini kyotötekwa kegh akwane alïkwï sekey cho oterchini chito anka, kïkalïkukwa sekeyiko chichoni? Nyo ato alïkukwa sekeyi ngokï, kwipkokwa meghat. Kïkany alïkukwa sekeyi terchin pö Tororöt, keyityinokwa nyu man ompö tawunyi.

¹⁷Wölo sörö ompö Tororöt, ompöwölo kïrkegh kyochikwa sekeyi ngokï osiswechanya pö tagh, wölo ye, ompö kinetut cho kyonyorukwa, kyoterchikwa man lasiny ompö mïkulöwekwo.

¹⁸Kikityakenakwa ngokï atalïkuna sekeyi man.

¹⁹Kanya opöghisyeghan ngalechaye pöghisyegho pich su, atö kïpköchokwa ompöwölo ochikwa nyörkölöl. Kimi ato kyotötekwa kegh lasiny opöghisyechï sïmnyontön nko ghöyityö ompö möchut cho ghach. Kïlenyona ye nyu, otötenö kegh lasiny le sekeyi man ompö möchut cho tïlilöch.

²⁰Atanya kyochikwa sekeyi ngokï, kyochikwa lowöch ompö ara man.

²¹Ekï ne tösunötö nyo kyonyorukwa atanye ompö tïkuchoni köpköchokwa ye lö pö arasï nya? Ompöwölo sörömuto tïkuchoni kï meghat!

²²Wölo kikutyakenakwa ye Tororöt sekeynöno ngokï alïkukwa sekeyi chi kegh. Tösunöt nyo onyorunekwa kï söpon nyo pöghisyechini nyinte kïmïchï, nyo ipu ato le söröm söpon pö kokay.

²³Ompöwölo mïsyara ngokï kï meghat, wölo ropöwonto Tororöt kï söpon pö kokay, ompö Kristo Yeso Echotyontenyo.