Read pokoot 1 KORINTO 13 Bible Online

1 KORINTO 13 - pokoot bible

1 KORINTO 13

¹Kïrkegh angalanan ngala pich anta cho pö malayken amotïngetanye chomnyogh alatan pat kwïrkwïryon nyo chöghöy anta kadöngöt.

²Akï kïrkegh kotïngetan owesyö nyo pö amtagh nko pköchin nyo pö wïngut löwïr nko ngöghomnyö anka tïkwïl, atïng kighanat nyo omukan anategha kutïngkot amotïngetanye chomnyogh ochan kwïle.

³Akï kïrkegh kotötan tïkuchu löwïr atötan portanyu kepel, amotïngetanye chomnyogh, kïmenyiwanïnye kïgh.

⁴Mïkukönöy chomnyogh akï talase amelö söstoghin anta menotyon.

⁵Melö pkatyan chomnyogh, amöyörönye tïkuchi kegh anta narek lawel, menonönye ngal cho ghach,

⁶möngörökyininye ghöyityö, wölo ngörökyini man.

⁷Kömöghöy chomnyogh ngal löwïr, akughönöy tïkwïn löwïr, akukönisïyi, akïmïkukönöy ompö ngal löwïr.

⁸Mötïngnye chomnyogh söröm. Weröy ropöwo amtagh akuwonyot ropöwo ngölyep cho sis akuweröy ngöghomnyö.

⁹Ompöwölo melö tenate ngöghomnyencha amelö tenate ropöwecha cho pö amtagh.

¹⁰Wölo ato itï asïyech nyo tenate, kuwer nyu nyo cho melö tenate.

¹¹Kyangalanan le monïng otini kitochan monïng akïpköchanïn tïkwïn le monïng, anonsyan le monïng. Wölo otï le ye koyetwan, kyopïstan ye nyu ngala monïngnön.

¹²Kïgh nyo kïsïwïyecha ye kï kïton nyo mörumunye lasiny ompö kiyö, wölo kisïwïyecha kegh asoni lö. Onkïtön cho ngörï ye pat, wölo onkïtunan asoni lasiny, le wölo nkïtïtanïn Tororöt.

¹³Mito ngala sömökï cho ngötu: kighanat, kikönöt nko chomnyogh, wölo nyo wow tya ompö choni kï chomnyogh.