Read pokoot 2 KORINTO 1 Bible Online

2 KORINTO 1 - pokoot bible

2 KORINTO 1

¹ Kakirwan palalyantanï ante Paulö kiyoktoghinto* Kristo* Yeso ompö machata Tororöt nko tupchenyo Timoteo. Kikirchinecha palalyantanete akwa cho ochï kanisa Tororöt nyo mi Korinto nko pipö Tororöt cho mi Akaya kïmïkul.

²Kïsoghecha Tororöt Paponyo nko Echotyon Yeso Kristo lö, kïkonokwa pöropchö nko kalya.

³Nya kïsala Tororöt Papoto Echotyontenyo Yeso Kristo, Papo nyo le kisyonin akï Tororöt nyo ipu saghsaghat anka tïkwïl.

⁴Soghsoghecha nyinte ompö nyörilwoköcho löwïr, atökemukacha tïkwïl kesaghsagha pikö walaka lenyoni ompö nyörilwokökwa ompö saghsaghatanoni kïnyorunocha Tororöt.

⁵Ompöwölo kïle otini töso kiwongunötenyi pö Kristo ompö orincha, kïtösisyot tïkwïl lenyoni soghsowutköcha ompö nyinte.

⁶Ato kinyarilecha kong, kïtökïpö nyoni saghsaghatenkwa nko sörunötenkwa. Kwoto kïsaghsaghecha, kwompö saghsaghatenkwa nyo olïmchinekwa kegh otini okömöghekwa ompö nyörilwokchoni kiwongunocha.

⁷Akïchïchïmate kikönötencha ompö akwa, ompöwölo kinkïtöcha lö, kïle otini owongunekwa nko acha oghömekwa tïkwïl saghsaghatencha.

⁸ Kïmökecha werköcho, kemwowokwa nyörilwok cho kikïnyorchicha wölnö le koro Esya. Kitungecha nyörilwokchoni lönyït, tökïmelö kitökekönecha söpon ngat.

⁹Nyoman kikïlatecha pich cho kökikemutï kirwoko meghat. Kigha lenyoni atömökïtighecha kegh owesyenyo, wölo töketighenöcha kegh Tororöt nyo ighöy pich cho kimeghö kututï.

¹⁰Kisörunenecha nyinte meghat akekonecha lö tökïsörwecha nyinte ngat,

¹¹otini omikwa ongörokecha ompö sowut. Soyönecha nyu Tororöt ompö sowutchoni chang, akïlïkwï kïgh nyo ighöy pich cho chang kuyokyï Tororöt sörö ompö acha.

¹²Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

¹³Kakikirwakwa ngal cho omukekwa osomöne akïpköchokwa. Tomönye onkïtunökwa acha lasiny nko nyete le ye. Okönan lö, pköchinokwa lasiny, atamukakwa okwolenö kegh acha, le wölo kïkwolocha kegh akwa ompö Asisoni pö Echotyon Yeso.

¹⁵Kyotïngetan man nyo lata nyoni, amachan orutoghwokwa nyo pö tagh atömanyïl onyorukwa kisoyönöt kïnyïl odeny.

¹⁶ Kyamachan orutowokwa atoni kyomitan pan owetöy Makedonia nko otini kyomïlonan tïkwïl atosïkenokwa kingarakat nyo pö rutoghtönyan nyo owetöy Yudea.

¹⁷Olentekwa so kyochan chewoywoy atoni kyotötan lenyoni? Anta ononekwa nya lö, omutan ngalechu ompö kinonut pö ptangengmöt nyo mwoghöy pat lö, “Owöy, owöy,” nko “Ewo, ewo,” panini le akonga?

¹⁸Melö, “Owöy,” nko “Ewo,” ngala cho kïmwowucha akwa kïle wölini ghanate Tororöt nyo mötïny.

¹⁹ Ompöwölo kyomwokwa ante nko Silpano nko Timoteo ngala Yeso Kristo, Wero Tororöt, ompö kwenunkwa amelö ki chi pö “Owöy,” nko “Ewo,” nyinte wölo, “Owöy” pö Tororöt nyinte kïtenö osis.

²⁰Ompöwölo nyinte nyo le, “Owöy” pö kiyomisut pö Tororöt kïmïkul. Nka nyoni kïmwoghecha lö, “Owöy,” kuwerï ara Kristo ompö salata Tororöt.

²¹Tororöt nyinte nyo chïchimecha nko akwa tïkwïl ompö Kristo akï nyinte nyo kïlecha.

²²Akutönecha machey nyo poru lö, kïchicha pikachi akutö Mïkulögh nyo Tïlil mïkulöwecha kelïkuna pikachi nyoman.

²³Tororöt nyo le söwintenyan nkït nyinte mïkulöwunyan! Melö kyangwïnan Korinto ngat akwompöwölo kyomökan pat osyonchinokwa.

²⁴Melö kïmökecha kepöghisyeghone charut ompö kighanatenkwa, kinkïtöcha lö, ochikwa chïchïmote ompö kighanatengwo, wölo kïmöchecha keghe ighisyö nko akwa ato ngörekyenökwa.