Read pokoot 2 KORINTO 13 Bible Online

2 KORINTO 13 - pokoot bible

2 KORINTO 13

¹ Rutoghtönyan nyete nyo pö sömök angwïnan korenkwa. Kikïniniot ngölyon anka tïkwïl ompö söwï odeny anta sömök le wölo mwoytoy Kikirut.

²Orirchinan pikö walaka ompö kwenunkwa cho kökakwigh ngokï ato le tagh nko walaka tïkwïl, arirchinan chane ye otï tomitan pakata, le wölo kyadan atanye kyomitan nko chane ompö rutoghtönyan nyanya pö odeny lö ato angwïnan ngat, kïsïwïyi chane.

³Onyorunekwa kikïniniot kïmïkul nyo omökekwa ompö Kristo* nyo ngölonöy nko ani. Melö nyarkalal nyinte otini pöghisyeghenokwa, wölo olïmchinekwa kegh owesyenyi ompö kwenunkwa.

⁴Ompöwölo, kïrkegh kikïwudochï nyinte kimurtöwon ompö nyörkölelyö, wölo satate nyinte ye ompö owesyo Tororöt. Kïchicha tïkwïl nyörkölölech otini kakïtuyecha nko nyinte, wölo kiporecha owesyo Tororöt ompö söpontanyi otini kakïtuyecha nko akwa.

⁵Olipe kegh kong akwane atasïwena lö totïngetenökwa kighanatengwo nyoman nya. Monkïtökwanye so lö mi Yeso Kristo orinkwa? Ato mölenye nyoni, kï kikerïntakwa.

⁶Wölo okönan lö onkïtökwa lö tomönye kerïntecha.

⁷Kïsoghecha Tororöt kïripenokwa ghöyityö anka tïkwïl amelö ompöwölo kïmökecha keporune lö kikelïkucha pich cho kakerïntech.

⁸Ompöwölo melö kïmökecha kelyoke man, kïpoto kesöröpchinöcha mantanoni.

⁹Kïchicha nyu ngörechote ato kïchicha nyörkölöl, wölo ochikwa owesöch nka nyoni kïsoghecha lö talïkukwa pich cho motïng lelut.

¹⁰Kakiran nyu palalyantanete otini tomitan wölo low, tömeghanïn asïyech ato atwan korenkwa angwanitï ompö owesyö nyo kikonanïn Echotyon owesyö nyo teköy amelö nyo ngongöy.

¹¹Wow ye nyu sörö, werköcho. Alïkwï pich cho melö tïng lelut. Mopïstö kirurutköchan, alïkwï pich cho tïng machat akonga, ampur ompö kalya. Töpo nyu Tororöt pö chomnyogh nko kalya nko akwa.

¹²Atakwesa kegh ompö kikonköyöt nyo tïlil. Ketakwesakwa pipö Tororöt tïkwïl cho mi wölete wöl.

¹³Nya kïtöpö nko akwa lapay pöropcho Echotyon Yeso Kristo nko chomnyo Tororöt nko ghömïcho Mïkulögh nyo Tïlil.