Read pokoot KALATIA 6 Bible Online

KALATIA 6 - pokoot bible

KALATIA 6

¹Werköcho ato onyorchikwa chi lelut, kï parakunkwa chona ntöghowokwa Mïkulögh orirchine nyinte tökïsat otöptanyi kuten, wölo agh lenyoni ompö tölosyö. Orip kegh akwane tïkwïl tömökïtyamak.

²Okösönchinö kegh akwane nïkisïntinekwo atopuntenö kiruröto Kristo.*

³Ato nonöy chi lö ochï kïgh otini melö kïgh nyinte, kï kalïs kegh nyinte.

⁴Wölo mïchini kïtyam chi anka tïkwïl otöptanyi. Ato karam, kïkwol nyu kegh ompö kïyoni kimï nyinte kwigh, wölo merokonye kïlïkwï nyoni kïgh nyo kongityot nyinte kegh nko chitö anka.

⁵Ompöwölo, kösönöy chi anka tïkwïl nïkisïntanyi kegh.

⁶Nya kupar chi nyo kinetöy ngölyonto Tororöt tïkwïn löwïr cho karamach cho tïng nko konetintenyi.

⁷Malïs kegh. Melö kïlïsöy Tororöt. Ilöy chi anka tïkwïl tïkuchini kikatkat nyinte.

⁸Ato katkat chi ompö pïrchin pö por, kwilöy asïyech kiwurat. Ato katkat chi ompö Mïkulögh, kïnyoruno nyinte Mïkulögh ilö nyo pö söpon pö kokay.

⁹Kïlenyona, mökyoghochö otini kighöy ighisyewut cho karamach, ompöwölo ato mökyoghochechanye, kwitu nyu ato kilecha.

¹⁰Kïlenyona nyu, mïchinecha keghchine chi anka tïkwïl nyo karam otete töketïngetenö pöroyïn tökïmïr tya werköcho cho ghönote.

¹¹Arose köny wölo kakirtan kïlïkwï ompö kikirut cho echön otete okirwokwa ompö morichante kegh.

¹²Pïchoni mököy kuporu kegh lö, kïchï karamach ompö ara por choni mököy kuchikyinokwa opete tum. Ighöy chane lenyoni ompö kïgh akonga kïpoto lö, tömökigheghchï chane ompö kimurtöwonto Kristo.

¹³Ompöwölo melö rïpöy chane kirurutchoni. Petöy tum wölo mököy chane opetekwa tum atökïkwolö kegh macheyunoni mi porwöyikwa.

¹⁴Wölo mokwolonanye kegh kïgh anka tïkwïl, kïpoto kimurtöwonto Echotyontencha Yeso Kristo, ompöwölo kakewudochanïn ngwïny ompö aranoni pö kimurtöwon, kewudö ngwïny ompö ani.

¹⁵Mökïghnye ato köwö chi tum anta ewo. Kïgh nyo pïchigh kï kelïkwï ighan nyo rel.

¹⁶Nya kïsïch pich tïkwïl kalya nko kisyonöt cho rïpöy kiyomisötononi, akïtöpö nko pich cho le kïlanpa Tororöt.

¹⁷Owonytonan ye nyu lö, makanya kususanïn chi ngat, ompöwölo poru perutöy cho mi portönyan lö ochan sekeyonto Yeso.

¹⁸Nya kïtöpö pöropcheto Echotyontenyo Yeso Kristo nko akwa lapay, tupchenichu. Amen.*