Read pokoot YOSWÖ 18 Bible Online

YOSWÖ 18 - pokoot bible

YOSWÖ 18

¹Atolapay kïtuyechï nyoryogh kïmïkul nyo pö pipö Israel Syilo akïparta Ema nyo mi ECHOTYON* otini kikïnam korononi.

²Kingötï ortïna pipö Israel cho le mut nko odeny cho kitomöcha keporchï koroswekwa.

³Kïlenyona kïlenchï Yoswö pipö Israel, “Owityonekwa nko oyï, apa achenga kor nyo kikonekwa ECHOTYON Tororöt pö papotïnekwa?

⁴Okonanïn pich sömök kïpkana ortïn löwïr, atayontan chane kïpa kukirata koroswekwa cho mököy akïmïlisyö wölo omitan.

⁵Chöghöy chane kore kïlïkwï mut nko odeny, töpo Yuda korenyi okumpö tagh, kïtöpö Yosep korenyi okumpö ewu löt.

⁶Achagha korononi kïlïkwï wop mut nko odeny, apkanïkwa nyu tötutkö, atochöghwok ompö parata kwegh[7] ompö tawu ECHOTYON Tororötïnyo.

⁷Melö tïng pipö Lawi koroswekwa ompöwölo tïsi ECHOTYON chane. Kinyorï Kad nko Rupen nko Manase koroswekwa ompö Yordan antakwagh okumpö kongasis nyo kitö Musa mötworinto ECHOTYON chane.”

⁸Kïlenchï Yoswö pïchay petöy kukirotoy kor, “Ape apestegha korononi akir, atolapay apkan wölo omitan ngat, atochöghwok ompö parata kwegh ompö tawu ECHOTYON ompö Syilo.”

⁹Kïlenyona kïpa pïchay kïpestegha koronay, atolapay kukirchï kitapï akïtat woptin mut nko odeny kimi nko kanestinekwa. Atolapay kïpa wölo mi Yoswö ompö möngot pö Syilo.

¹⁰Kïchöghchï Yoswö chane ompö parata kwegh ompö tawu ECHOTYON. Kïchöghchï nyu nyinte ortïna pipö Israel koroswekwa.

¹¹Kechöghchï ara Penchamen koroswekwa kïrïp kegh nko korikwa. Kimito koroswechoni kwenu pipö ara Yuda nko Yosep.

¹²Kitorö rotyengwa okumpö löt Yordan akutoch rotye kuwer Yeriko wöloto okumpö löt akuwer koro kamas okumpö ta kuwonyechï rotyonay surkwen pö Pet Apen.

¹³Kïweghö atoni rotye kuwerata wölo lekïto Lus okumpö tagh akukana ngïnngïnpa Lus (anta Petel) akiröytö rotye ntökwit Atarot Adar nyo lekïto kamas okumpö tagh pö Pet Oron wölo porö.

¹⁴Atolapay kïmïr rotye okuntö anka akïwaghaka kura ta okumpö tagh kïweghö kutïng nyo toköy kegh nko Pet Oron okumpö tagh akuwonyechï Kiryat Paal, nyoni kï Kiryat Yearim, kanasyan nyo pö ara Yuda. Kïlïkwï nyoni rotye okumpö kongasis.

¹⁵Akïngata rotye ompö okumpö tagh sörömu Kiryat Yearim akïwegho atoni rotye kutang kori pöghoni Neptoa.

¹⁶Atolapay kïröytö rotye ntökwit muyo kutïng nyo mi tawu mpöghoghyo wero Inom nyo mi mpöghoghyo Repaim okumpö ewu löt. Atolapay kïröytö ngat mpöghoghyo Inom kukana kutïng pö Yepusi okumpö tagh akïröytö ntökwit Enrokel.

¹⁷Atolapay kuwit kutang ewu löt akïwö ntökwit En Syemes akïlït Kelilot nyo toköy wölo kïpustegho Adumim. Atolapay kïröytö ntökwit koghpa Poan wero Rupen,

¹⁸kïröytö kutïng pö Pet Arapa okumpö löt kukana mpöghoghyo Yordan.

¹⁹Kuwer rotye ngat akukana kutïng pö Pet Okla okumpö ewu löt akutor sörömu nanampa Paryan okumpö löt ompö sörömu Yordan okumpö ewu tagh. Nyoni ki rotyot ompö okumpö tagh.

²⁰Kïlïkwï Yordan rotyenyi ompö okumpö kongasis. Chete kï rotyotïno koroswo ara Penchamen cho kikitö chane kïrïp kegh nko korikwa.

²¹Kanastina ara Penchamen kïrïp kegh nko korikwa kï: Yeriko nko Pet Okla nko Emek Kesis

²²nko Pet Arapa nko Semaraim nko Petel

²³nko Apim nko Para nko Opra

²⁴nko Kepar Amoni nko Opni nko Kepa. Kanastin taman nko odeny cho echön nko cho mïnkech.

²⁵Kipyon nko Rama nko Peerot

²⁶nko Mispa nko Kepira nko Mosa

²⁷nko Rekem nko Irpeel nko Tarala

²⁸nko Sela nko Aelep nko Yepusi, nyoni kï kanasyanta Yerusalem nko Kipea nko Kiryat Yearim, kanastin taman nko angwan cho echön nko cho mïnkech. Chete kï koroswo ara Penchamen kïrïp kegh nko korikwa.