Read pokoot YOSWÖ 19 Bible Online

YOSWÖ 19 - pokoot bible

YOSWÖ 19

¹Kechöghchï ngat ara Simion koroswekwa, kïrïp kegh nko korikwa. Kimito koroswechoni kwenu koroswo pipö ara Yuda.

²Kimi mïlatengwa kanastinechï: Persyepa nko Syepa nko Molada

³nko Asar Syual nko Pala nko Esem

⁴nko Eltolad nko Petul nko Orma

⁵nko Siklak nko Pet Markapot nko Asar Susa

⁶nko Pet Lepaot nko Syaruen, kanastin taman nko sömök cho echön nko cho mïnkech.

⁷Kikitö tïkwïl Ain nko Enrimon nko Eter nko Asyan, kanastin angwan cho echön nko cho mïnkech.

⁸Kïmi nko kanastin cho mïnkech löwïr cho kiwitwit kanastinechï ntökwit Paalat Peer nko Rama nyo pö Nekep.* Chete cho kile koroswo ara Simion kïrïp kegh nko korikwa.

⁹Kikïchöghchï ara Simion kareranpa ara Yuda, ompöwölo ki wow tya korengwa. Kïlenyona nyu kïnyorï ara Simion koroswekwa ompö koroswo ara Yuda.

¹⁰Kechoghchï ngat ara Saplon koroswekwa kïrïp kegh nko korikwa. Akingata sörömu koroswekwa Sarid.

¹¹Kïpusta rotyengwa ta ntökwit Mareal akïnam Dapesyet, atolapay kïlït champilwa nyo mi Yokneam okumpö kongasis.

¹²Kïweghö Sarid kutang okuntö anka wölnö kaparta okumpö kongasis ntökwit rotye Kislot Tapor, akïlït Daperat akutor ntökwit Yapia.

¹³Otini kiwegho atoni kuwer kutang okumpö kongasis akïwö Kat Eper ntökwit Et Kasin, ntökwit Rimon, akuwit ntökwit Nea.

¹⁴Akuwit rotye okumpö löt ntökwit Anaton, akuwonyechï mpöghoghyo Iptael.

¹⁵Kïmi nko Katat nko Naalal nko Syimron nko Idala nko Petleem. Kanastin taman nko odeny cho echön nko cho mïnkech.

¹⁶Chete ki koroswo ara Saplon kïrïp kegh nko korikwa.

¹⁷Kechoghchï ngat ara Isakar koroswekwa, kïrïp kegh nko korikwa.

¹⁸Kimito kanastinechï koroswekwa: Yesrel nko Yesulot nko Syunem

¹⁹nko Aparaim Syion nko Anaarat

²⁰nko Rapit nko Kisyon nko Epes

²¹nko Remet nko Enkanim nko En Ada nko Pet Pases.

²²Kingata rotyengwa Tapor nko Syaasuma nko Pet Syemes, akuwonyechï Yordan. Kanastin 16 cho echön nko cho mïnkech.

²³Chete ki koroswo ara Isakar kïrïp kegh nko korikwa.

²⁴Kechoghchï ngat ara Asyer koroswekwa kïrïp kegh nko korikwa.

²⁵Kimito kanastinechï koroswekwa Elkat nko Ali nko Peten nko Aksyap.

²⁶Nko Alamelek nko Amad nko Misyal. Akïnam rotyengwa Karmel nko Syior Lipnat ompö okumpö ta.

²⁷Atolapay kuwit okumpö kongasis, kïwö kïlït Pet Dakon akïnam koro Saplon nko mpöghoghyo Iptael okumpö ewu löt ntökwit Pet Emek nko Neyel. Atolapay kïwö lenyoni kïrop ewu löt ntökwit Kapul

²⁸nko Epron nko Reop nko Amon nko Kana ntökwit Sidon.

²⁹Atolapay nyu kuwit rotye ntökwit Rama akïnam kanasyan nyo pö Tiro nyo kikïtekyï nayat kuwit. Kuwit rotye ntökwit Osa akuwonyechï nanampa Kwen. Kïmi nko Maalap nko Aksip

³⁰nko Uma nko Apek nko Reop. Kanastin 22, cho echön nko cho mïnkech.

³¹Chete ki koroswo ara Asyer kïrïp kegh nko korikwa.

³²Kechoghchï ngat ara Naptali koroswekwa kïrïp kegh nko korikwa.

³³Kiweghö rotyengwa Elep akïngata ket nyo wow nyo mi Saananim akïlït Adaminekep nko Yapneel ntökwitïta Lakum akuwonyechï Yordan.

³⁴Atolapay kuwit rotye kutang ta ntökwit Asnot Tapor, akïweghö atoni ntökwit Ukok, kïnam koro Saplon ompö okumpö tagh nko koro Asyer ompö okumpö ta nko koro Yuda ompö okumpö kongasis ompö Yordan.

³⁵Kanastin cho kikïtekyï nayat kuwit kï: Sidim nko Ser nko Amat nko Rakat nko Kineret

³⁶nko Adama nko Rama nko Asor

³⁷nko Kedes nko Edrey nko Enasor

³⁸nko Yiron nko Mikdalel nko Orem nko Pet Anat nko Pet Syemes. Kanastin 19 cho echön nko cho mïnkech.

³⁹Chete ki koroswo ara Naptali kïrïp kegh nko korikwa.

⁴⁰Kechöghchï ngat ara Dan koroswekwa kïrïp kegh nko korikwa.

⁴¹Kimito kanastinechï koroswekwa: Sora nko Estaol nko Irsyemes

⁴²nko Syaalapin nko Ayalon nko Itla

⁴³nko Elon nko Timna nko Ekron

⁴⁴nko Elteke nko Kipeton nko Paalat

⁴⁵nko Yeud nko Peneperak nko Katrimon

⁴⁶nko Meyarkon nko Rakon nko rotyot nyo mi okumpö Yopa.

⁴⁷Otini kisara pung pipö Dan korengwa kïpa kïpöryeghö kanasyanta Lesyem akïcheng otini kipar pikö. Kïmöngisyö akïwaghach kayna Lesyem kïlïkwï Dan le kukötöngwa Dan.

⁴⁸Chete kï koroswo ara Dan nko korikwa, kanastin nko keston.

⁴⁹Otini kiwany kïchaghata kore löwïr, kutö pipö Israel Yoswö wero Nun.

⁵⁰Kikitö nyinte kanasyanta Timnat Sera nyo kisom ompö koro kamas nyo pö Epraim kïrïp kegh nko ngölyonto ECHOTYON, kïtek nyinte kanasyante akïmang.

⁵¹Chete kï koros cho kichaghta Eleasar tïsin nko Yoswö wero Nun nko poyi ortïna pipö Israel ompö parata kwegh ompö Syilo, tawu ECHOTYON ompö kuka Ema nyo mi ECHOTYON.* Kuwany nyu kïchaghta koros.