Read pokoot YOSWÖ 21 Bible Online

YOSWÖ 21 - pokoot bible

YOSWÖ 21

¹Kïpka poyi kori pipö Lawi wölo mi Eleasar tïsin nko Yoswö wero Nun nko kintöghoghi kori ortïna pipö Israel,

²kïlenchï chane ompö Syilo koro Kanan, “Kimwa ECHOTYON kuwerï Musa lö, kïkonecha kanastin kemanga nko wölo oketïyi kyakicha.”

³Kïlenyona nyu kutö pipö Israel kanastin pipö Lawi nko kor wölo oketïyi kyakï lenyini kimwa ECHOTYON.

⁴Kenya kechöghchï kanestinekwa kori kaporpa Koat. Kïnyorï monïngo tïsin Aron kanastin taman nko sömök ompö koro Yuda nko Simion nko Penchamen.

⁵Kïnyorï pipö Koat cho kingötï kanastin taman ompö koro Epraim nko Dan nko kareranpa Manase.

⁶Kïnyorï kaporpa Kersyon kanastin taman nko sömök ompö koro Isakar nko Asyer nko Naptali nko kareranpa Manase ompö Pasyan.

⁷Kïnyorï kapor pö Merari kïrïp kegh nko korikwa kanastin taman nko odeny ompö koro Rupen nko Kad nko Saplon.

⁸Kitö pipö Lawi ompö parata kwegh[8] Israel kanastinechï nko kor wölo oketïyi kyakï lenyini kimwa ECHOTYON kuwerï Musa.

⁹Kitötö chane kanastinechï ompö koro Yuda nko Simion

¹⁰cho kipöyit monïngo Aron nyo kaportina Koat nyo pö ara Lawi cho kinya kïnyorï kor.

¹¹Ketö chane Kiryatarpa, nyoni kï Epron ompö komos pö koro Yuda kïmi nko wölo oketïyi kyakï. Arpa nyo le papoto Anak.

¹²Wölo ketö Kalep wero Yepune paren cho lekïto kanasyan nko kestoni kïlïkwï chechi.

¹³Ketö monïngo tïsin Aron: Epron (kanasyan nyo kïryöghchini) nko Lipna

¹⁴nko Yatir nko Estemoa

¹⁵nko Olon nko Depir

¹⁶nko Ayin nko Yuta nko Pet Syemes kïmi nko wölo oketïyi kyakï. Kanastin mut nko angwan, ompö ortïnechï le odeny.

¹⁷Atolapay ketö ompö koro Penchamen: Kipyon nko Kepa

¹⁸nko Anatot nko Almon kïmi nko wölo oketïyi kyakï. Kanastin angwan.

¹⁹Kanastina monïngo tïsin Aron kï ki taman nko sömök kïmi nko wölo oketïyi kyakï.

²⁰Kechöghchï kaportina Koat nyo pö ara Lawi kareranpa koro ara Epraim.

²¹Kikitö chane Syekem (kanasyan nyo ryoghchini pich cho köpörisyö ompö lelyot) ompö kamaspa Epraim nko Keser

²²nko Kipsaim nko Pet Oron kïmi nko wölo oketïyi kyakï. Kanastin angwan.

²³Ketötö ompö ara Dan: Elteke nko Kipeton

²⁴nko Ayalon nko Katrimon kïmi nko wölo oketïyi kyakï. Kanastin angwan.

²⁵Ketötö ompö kareranpa ara Manase: Tanak nko Katrimon kïmi nko wölo oketïyi kyakï. Kanastin odeny.

²⁶Kanastina kaportina Koat kï ki taman kïmi nko wölo oketïyi kyakï.

²⁷Ketö kaportina Kersyon nyo pö ara Lawi kanastin odeny cho pö kareran nyo pö ara Manase: Kolan nyo mi Pasyan (kanasyan nyo ryoghchini pich cho köpörisyö ompö lelyot) nko Peestera kïmi nko wölo oketïyi kyakï.

²⁸Ketötö ompö ara Isakar: Kisyon nko Daperat,

²⁹nko Yarmut nko Enkanim kïmi nko wölo oketïyi kyakï. Kanastin angwan.

³⁰Ketötö ompö ara Asyer: Misyal nko Apdon

³¹nko Elkat nko Reop kïmi nko wölo oketïyi kyakï. Kanastin angwan.

³²Ketötö ompö ara Naptali: Kedes nyo mi Kalilaya (kanasyan nyo ryöghchini pich cho köpörisyö ompö lelyot) nko Amotdor nko Kartan kïmi nko wölo oketïyi kyakï. Kanastin sömök.

³³Kanastina kaportina Kersyon kï ki taman nko sömök kïmi nko wölo oketïyi kyakï.

³⁴Ketö kaportina Merari cho kingötï nyo pö ara Lawi kanastin angwan cho pö ara Saplon: Yokneam nko Karta

³⁵nko Dimna nko Naalal kïmi nko wölo oketïyi kyakï.

³⁶Ketötö ompö ara Rupen: Peser nko Yaas

³⁷nko Kedemot nko Mepat kïmi nko wölo oketïyi kyakï. Kanastin angwan.

³⁸Ketötö ompö ara Kad: Ramot Kiliad, kanasyan nyo ryöghchini pich cho köpörisyö ompö lelyot nko Maanaim

³⁹nko Espon nko Yaser kïmi nko wölo oketïyi kyakï. Kanastin angwan.

⁴⁰Kanastina kaportina Merari ompö ara Lawi cho kingötï kï ki taman nko odeny.

⁴¹Kanastina ara Lawi ompö kwenu koro pipö Israel kï ki 48, kïmi nko wölo oketïyi kyakï kuwitwit.

⁴³Kitö nyu ECHOTYON Israel kor nyo kiwolwolchï papotïnekwa, akï otini kicheng koronay, kïmöngisyö.

⁴⁴Atolapay kutö ECHOTYON chane kalya ompö pungkökwa löwïr, lenyini kiwolwolchï papotïnekwa, melö mi ompö chane nyo kimï ntökughyongtö, ompöwölo kökikutö ECHOTYON chane morikwa.

⁴⁵Möminye nyo le ompö akonga ompö kiyomisutchay löwïr kimwa ECHOTYON nyo meghanye. Kipuntö löwïr.