Read pokoot 1 TIMOTEO 2 Bible Online

1 TIMOTEO 2 - pokoot bible

1 TIMOTEO 2

¹Osomokwa nyo pö tagh lö, osoghchinö pich löwïr ayokyï Tororöt sörö ompö chane,

²osoghchï pöytoghï nko pikö walaka cho echön, tökemöngisyenö ompö payasat nko kalya nko tekata Tororöt nko otöp nyo karam ompö or anka tïkwïl.

³Karam ato aghakwa lenyoni akï chömunote ompö tawu Tororöt Ghetintenyo,

⁴nyo mököy lö tökïsörï pich lapay akunkïtï man.

⁵Ompöwölo mi Tororöt akong kïpoto, akïmi akong nyo linyot pich nko Tororöt. Chichoni kï Kristo* Yeso,

⁶nyo kitötö kegh atö kumuka kutyokisyö pich löwïr ompö ngokï. Kilïkwï nyoni kiporunöt otini kitïta osiswö cho kimököy Tororöt kïsöru pich löwïr.

⁷ Nka nyoni kigh Yeso kïkïlanïn alïkwan kiyoktoghin* nko omptoghin nyo pö pipö punton atomchï chane lökoyo kighanat nko man. Omwoghan ngala man, momïranye put.

⁸Omökan ompö wop anka tïkwïl, kisagh mïrön cho kikïkonï kegh ompö Echotyon kïsyolöy ewunekwa akï cho puryö nörekyö anta kimölöto kegh.

⁹ Omökan kor, tïkwïl kwigh kegh ompö or nyo roko, akulach kuten, melö ompö pirirata put cho kikïtïk kïsir, amelö ompö minata kari koltin anta sanay cho karamach anta sïro cho pö olyot nyo wow,

¹⁰wölo ompö otöptin cho karamach. Mïchini kïtöpï lenyoni kor cho konyïtöy Tororöt.

¹¹Ato kinetöy Mïchini korka kïter ompö sisat nko tölosyö.

¹²Mochömchinanye korka kunet anta sïch paytagh ompö mïrön, mïchini kïsisöy.

¹³ Ompöwölo kinya Tororöt kwigh Adam, atolapay kwigh Awa.

¹⁴ Amelö Adam nyo kikïlïs ki korka nyo kikïlïs, kïwechï kïpeny monïng ato tastagh nyinte ompö kighanat nko chomnyogh nko tïlilyö nko ripöto kegh.

¹⁵Kïrkegh kïlenyona, kesöru korka ompö yiyöto monïng ato tastagh nyinte ompö kighanat nko chomnyogh nko tïlilyö nko ripöto kegh.