Read pokoot EPRANIA 5 Bible Online

EPRANIA 5 - pokoot bible

EPRANIA 5

¹Kikikïlöy tïsin anka tïkwïl nyo wow kekïlo kwenu pich atökungarak chane kïpöghisyechï Tororöt kutötö ropöw nko amöröstin ompö ngokï.

²Akwompöwölo nyarkalal nyinte ompö ortïn cho chang, kumuköy kusyonchï pich cho mötïngcha sïkunöt nko cho lelöy.

³ Akwompöwölo nyarkalal nyinte, kemökyini kutötöy köröstin cho pö ngoki pich nko cho le chechi kegh.

⁴ Möminye chi nyo ighöy kegh nyinte kïlïkwï Tïsin nyo Wow,* kïpoto kuröto Tororöt nyo ighöy chi kïlïkwï Tïsin nyo Wow le Aron.

⁵ Kïlenyoni tïkwïl ompö Kristo,* kimakïlnye kegh nyinte onkït kïlïkwï Tïsin nyo Wow, ki Tororöt nyo kitö nyinte, akïlenchï: “Ichinyi Werïnyan, kalïkwan asete Papongu.”

⁶ Akïmwagha ngat woptö anka lö, “Ilïkunenyi tïsin kokay, kïrïp kegh nko tötutyo Melkisedek.”

⁷ Kisagh Yeso Tororöt nyo kimuköy kïsöruno nyinte meghat akïrirchï atanya kimi ngwïnyinï. Kïterchï Tororöt nyinte ompöwölo kipöghisyechini nyinte Tororöt.

⁸Kïrkegh ki Wero Tororöt, kï kinet kegh terchin ompö ara kiwongunöt.

⁹Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

¹⁰Kikïl Tororöt nyinte kïlïkwï Tïsin nyo Wow kïrïp kegh nko tötut pö Melkisedek.

¹¹Chang ngala cho kimukecha kemwoghe ompö chichoni, wölo aghïgh kenetokwa, ompöwölo möpköchinokwanye ngala lawel.

¹² Kötö kalïkukwa otï le ye pich cho le konetï, wölo tomitenökwa oyöre chi nyo netokwa kinetutchay pö tagh pö ngölyonto Tororöt. Nyo kötö omekwa omisyewut cho oghïghe, kïtökïmïchinokwa olïwe chö.

¹³Ompöwölo chi anka tïkwïl nyo lïwöy chö kïpoto, kïkarkegh nko monïng nyo menkïtnye kïgh nyo karam nko nyo gha.

¹⁴Wölo karkegh omisyö nyo aghïgh nko pich cho echön cho kikunet kegh ntökumï kunkïtï sisïn nyo pö köromnyö nko ghöyityö.