Read romani Marko 13 Bible Online

Marko 13 - romani bible

Marko 13

¹Sar O Jesus anklisto avri andai tampla, iek andal leske disipluria phendia leske, "Dikh, Gazda, che shukar bax ai shukar khera!"

²Ai O Jesus phendia leske, "Dikhes sa kadala bare khera? Chi mai ashela iek bax po kaver, sa so dikhes avela pherado."

³Sar O Jesus beshlo po plai le maslinenge, beshelas po than kai dikhlia o tampla, o Petri, o Iakov, o Iovano ai o Andre avile leste korkorho, ai phushle les,

⁴"Phen amenge, kana kerdiolape kadia? Ai so avela o semno kai aves kana kerdiona kodola buchi?"

⁵O Jesus phendia lenge, "Len tume sama, te na atsavel tumen khonik.

⁶Ke but avena ande murho anav, ai phenena, "Me sim o Kristo"ai atsavena buten.

⁷Ai kana ashunena ke marenpe ai viasta kai marenpe, na daran: ke kodia musai te kerdiol, numa nai inker o gor.

⁸Iek them marelape aver themesa, iek amperetsia marelape avria amperetsia: ai ande but thana izdrala e phuv, ai ande thana chi avela dosta te xan, avela but baiuria: kadala avela le semnuria ta anda gor le chinosko, ai o nekazo kai si te avel.

⁹Numa len sama tumendar: kai dena tume manush ando vas te aven chinuime, ai marena tume andel synagogue: ai tume avena line angla le bare le foroske ai le amperetoske pala murho anav. Phenen lenge pa mande.

¹⁰Ai kadia le viasta lashi pai amperetsia avela phendi ande sa e lumia.

¹¹Ai akana astaren tume, ai lena tume kal le bare la krisako. Na daran mai anglal pa so te phenen, kana avela e vriama dava tume le vorbi. Ke tume chi den duma numa O Swunto Duxo.

¹²Akana o phral si te purhila lesko phral te avela mudardo, ai o dat purhila peske shaven; ai le shave purhina penge daden ai deian te avena mudarde.

¹³Savorhe vurhitsina tu pala murho anav: numa kodo kai rhivdila ai ankerela zhando gor avela skepime.

¹⁴Kana dikhena kodia kai si griatsa le Devleske ke si ando swunto than sar sas phendo katar o profeto Daniel (kodo kai jinel mek te haliarel). Antunchi kodola kai si ande Judea trobula te nashen andel plaia.

¹⁵Ai kodo kai avela opral pa kher te na zhal te lel vari so anda pesko kher.

¹⁶Ai kodo kai si ande niva te na zhal palpale te lel peske tsalia.

¹⁷Nasul la zhuvliake kai si phari glatasa, ai kodola kai si le glate pe chuchi ande kodola dies.

¹⁸Rhugin tume te na avel ivend kana trobul te nashen.

¹⁹Ke ande kodia vriama si te avel ka savo chino ai nekazo, de sar e lumia shoxar chi dikhlias zhi akana ai shoxar chi mai dikhela.

²⁰Ai te na avino kodola dies skurtiarde, sa le manush kamas te xaiin: numa pala e sama le manushenge kai si alome katar O Del kodola diesa si te aven skurtiarde.

²¹Antunchi te avela vari kon te mothol tuke, "O Kristo avilo!" "Katka lo" vai "Kote lo" Na pacha.

²²Ke si te vazdenpe xoxamne profeturia, kai kerena kasave semnuria ai mirakluria, ta te sai atsaven vi kodolen kai si alome katar O Del.

²³Ashunen! So phendem tumenge mai anglal.

²⁴"Strazo pala o chino ai o nekazo kodole diesengo o kham si te avel tuniariko, o shunuto chi dela vediara,

²⁵le chererhaia perena anda cheri, ai e putiera kai si ando cheri avena drenchinime.

²⁶Antunchi dikhena O Shav le Manushesko avela pel nuveria ande putiera ai ando barimos.

²⁷Ai tradela peske angelon, ai si te chiden leske alome andal shtar barvalia, ai de anda iek gor la lumiako ai le cheresko zhando kaver gor."

²⁸Akana sichon ek paramichi pai pruing le figenge. Kana si terne le krenzhitsi, ai anklen patria, zhanes ke o milai pashe.

²⁹Sakadia tume kana dikhena sa kadale dieli zhanen ke pashelo, ke wudarlo.

³⁰Chachimasa phenav tumenge, kadia vitsa chi nakhela, zhi pon chi kerdion kadala dieli.

³¹O rhaio ai e lumia nakhena, numa murhi vorba shoxar chi nakhela.

³²Khonik chi zhanel kana avela kodo dies vai kodo chaso, chi le angeluria ando rhaio, chi O Shav, ferdi O Dat zhanel.

³³"Arakhen tume, le sama ai rhugin tume, ke chi zhanen kana kerdiola.

³⁴Ke O Shav le Manushesko si sar ek manush kai phiravelas dur ando aver them, ai phendia lesko sluga te lel sama le kheresko, swako sluga sas les buchi te kerel. Wo dia trad kal wudartari te lel sama.

³⁵Le sama tume: ke chi zhanen kana o gazda le kheresko avela palpale, kana perel o kham, vai e riat, vai kana wushtel o kham, vai diminiatsi.

³⁶Wo sai avela strazo kana tume chi azhukeren les ai arakhel tume soven.

³⁷Ai so phenav tumenge, phenav savorhenge: Le sama!"