Read romani Marko 7 Bible Online

Marko 7 - romani bible

Marko 7

¹Antunchi le Farizeanuria ai uni Gramnoturia avile andai Jerusalem, ai chidinisaile pasha Jesus.

²Dikhle uni andal leske disipluria xanas bi te xalaven penge vas,

³ke le Farizeanuria ai sa le Zhiduvuria shoxar chi xan bi te xalaven penge vas. Won keren o zakono le phurenge.

⁴Ai kana aven andal bazari, won shoxar chi xan bi te xalaven penge vas. Ai si le mai but aver zakonuria kai won keren. Uni xalaven le daxtai, le kruzhki, ai le phiria le xarkune.

⁵Antunchi le Farizeanuria ai le Gramnoturia phushen les, "Sostar che disipluria chi keren o zakono le phurenge, numa xan bi te xalaven penge vas?"

⁶O Jesus dia atweto, ai phendia lenge, "Tume manush kai ankerdion so chi san, O Isaiah dias mishto profesi po tumende kana ramosardia, "Kado narodo preznain ma peska mosa, numa lengo ilo dur mandar.

⁷Intaino preznain ma, ke won sicharen manushenge zakonuria sar te aviline le Devleske."

⁸Tume chi keren o zakono le Devlesko, numa keren o zakono le manushenge."

⁹O Jesus phendia lenge, "Tume thon rigate o zakono le Devlesko numa keren tumaro zakono.

¹⁰Ke o Moses phendia, "Preznaisar che dades ai cha da," ai kodo kai del duma nasul pa peske dades ai peska da, musai merel.

¹¹Numa tume phenen "Kon godi phenela peske dadeske vai peska dake, so sai demas tume te zhutiv tume, dem ka Del."

¹²Ai tume chi mai meken les e zhutil peske dades vai peska da.

¹³Tume thon rigate E Vorba le Devleski te keren tumaro zakono, ai tume keren but aver dieli sa kadia."

¹⁴Pala kodia akhardia le narodos peste, ai phendia lenge, "Savorhen, ashunen mande.

¹⁵Nai so thol o manush ando mui kai maril les, numa so anklel anda lesko mui kai maril les.

¹⁶Si tume khan, antunchi ashun!"

¹⁷Wo meklia le narodos ai gelo ando kher. Antunchi leske disipluria phushle les pa paramichi.

¹⁸Ai phendia lenge, "Chi tume sa chi haliaren? Chi haliaren, ke so thol ando lesko mui nashti maril les.

¹⁹Ke kadia chi zhal ando lesko ilo, numa ando ji, porme anklel avri, (phenelas kai sa o xabe si lasho).

²⁰Mai phendia lenge, so anklel andal manush kodia si kai kerel andal manush marime angla Del.

²¹Ke anda ilo anklel le nasul ginduria, kurvisia, mudarimos,

²²chorimos, te manges zurales so si nai chiro, te keres vai so kai si defial nasul, atsimos, manges te dikhes po zhuvli le chorhe gindosa, zhaluzile, te des duma nasul pa Del, barimata, dzilimos.

²³Sa kadala nasul dieli anklen andal manush, ai kodia si kai kerel andal manush marime angla Del.

²⁴O Jesus gelotar kotsar ai gelo karing o Tire ai Sidon, gelo ando kher, chi mangelas khonik te zhanel kai wo sas kotse, numa nashti garavel les.

²⁵Strazo ek zhuvli avili leste ke ashundia kai wo sas kotse. Sas la ek sheiorhi kai sas la ek bi vuzho ande late. Avili leste, ai peli kal punrhe (shudiape ka leske punrhe).

²⁶E zhuvli sas Grekaika, biandilia ando them Phoenicia, woi manglia les te gonil le benges avri anda laki shei.

²⁷Numa O Jesus phendia lake, "Nai vorta te les o manrho le glatengo ai te shudes les kal zhukel.

²⁸Woi dia atweto, ai phendia leske, "E, Gazda, numa le zhukel telai skafidi xan le prushuka le glatenge."

²⁹Antunchi O Jesus phendia lake, "Ke tu phendian kadala vorbi, zha khere, o beng anklisto avri anda chi shei."

³⁰Woi geli khere, ai dikhlia laki sheiorhi pashliol po than; o beng anklisto avri anda late.

³¹Antunchi O Jesus gelotar andai foruria o Tire ai o Sidon, avilo palpale kai maria Galilee, nakhelas pasha o them Decapolis.

³²Won andine leste ieke kashukes, ai nashti delas duma mishto; ai mangle lestar te thol lesko vas pe leste.

³³O Jesus lia les rigate katar o narodo, ai thodia leske naia andel khan, chungarde, ai azbadia leski shib,

³⁴ai vazdia le iakha kal rhaio, rhugisailo ande peste ai phendia, "Ephphatha," kodia si, phuterdiol.

³⁵Strazo leske khan phuterdile, ai leski shib nas phangli, ai dino duma savsem/desea mishto,

³⁶O Jesus phendia lenge te na phenen kanikaske; numa mai but wo phenelas lenge te na phenen kanikaske, mai but won denas duma pa so kerdia O Jesus.

³⁷Ta o narodo chudisailo, phenelas, "So godi kerel si desea mishto. Wo kerel le kashuke te ashunen, ai kerel le muto te den duma savsem mishto.