Read romani Yovano 4 Bible Online

Yovano 4 - romani bible

Yovano 4

¹Le Farizeanuria ashunde ke O Jesus kerelas ai bolelas mai but disipluria de sar o Iovano.

²Numa O Jesus chi bolelas, numa leske disipluria.

³O Jesus meklia e Judea, ai gelo palpale ande Galilee.

⁵Areslo andek gav ande Samaria kai busholas Sychar, pasha kimpo kai o Iakov diasas ka Josef pesko shav.

⁶Kotse sas e xaiin le Iakovoski, O Jesus chino sas katar o phirimos, thodiape pashai xaiin ai beshlo tele: sas karing le desh u dui chasuria.

⁷Iek zhuvli andai Samaria avilo te lel pai; O Jesus phenel lake, "De ma pai te piiav."

⁸Ke leske disipluria gelesas ando foro te chinen xabe.

⁹Antunchi e zhuvli andai Samaria phendia leske, "Sar tu kai san Zhidovo, manges mandar pai te pes? Ke sim zhuvli andai Samaria. Ke le Zhiduvuria chaches chi brotinas le manushensa kai si andai Samaria.

¹⁰O Jesus phendia lake, "Te zhanglianas tu e podarka le Devleski, ai kon si kodo kai phenel tuke, "De man te piiav;" Tu korkorho manglianas lestar te pes, ai del tu pai zhuvindo."

¹¹E zhuvli phendia leske, "Gazda, Nai tu kanchi te tsirdes ai e xaiin tele la, katar anesa kodo pai zhuvindo?

¹²San tu mai baro katar amaro dat o Iakov, kai dia ame kadia xaiin, ai pilia vi wo, ai leske shave, ai leske zhigeni?"

¹³O Jesus phendia lake, "Kon godi pela anda kado pai mai avela trushalo;

¹⁴Numa kado kai pela anda pai kai dava les chi mai avela trushalo; numa o pai ai dava les kerdiola ande leste xaiin paieske kai zhal zhando traio kai chi mai getolpe."

¹⁵E zhuvli phendia leske, "Gazda, de ma kado pai, saxke te na mi avav trushali, ai te na mai avav katse te tsirdav pai anda xaiin."

¹⁶O Jesus phendia lake, "Zha. Akhar che rhomes, ai aida katse."

¹⁷E zhuvli phendia leske, "Nai ma rhom." ai O Jesus phendia lake, "Vorta phenes, ke nai tu rhom,

¹⁸ke sas tu pansh rhom; ai kado kai si tu akana nai cho rhom; chaches so phendian."

¹⁹E zhuvli phendia leske, "Gazda, Dikhav ke tu san profeto.

²⁰Amare dada rhuginaspe kacha plaiin; ai phenes, si ando Jerusalem o than kai trobul te rhugisavas ka Del."

²¹O Jesus phendia lake, "Zhuvlio, o chaso avela, kai chi mai rhugina le Dades chi pe kacha plaiin ai chi ando Jerusalem.

²²Tune chi zhanen kas te rhugin tume; ke o skepimos avel katar le Zhiduvuria.

²³Numa o chaso avel, ai vunzhe avili, kana le chache manush rhuginpe ka Dat ando duxo ai ando chachimos; ke kadia mangel O Dat te rhuginpe le manush.

²⁴O Del si Duxo, ai kodola kai rhuginpe leste, trobul te rhugin leste ando duxo ai ando chachimos."

²⁵E zhuvli phendia leske, "Zhanav ke O Messiah avela, kodo kai si O Kristo: Kana avela, Wo sicharel ame swako fielo."

²⁶O Jesus phendia lake, "Me sim kodo kai dav duma tusa."

²⁷Pe kadia aresle leske disipluria, ai chudisaile te dikhen sar del duma la zhuvliasa; numa chi iek chi tromailo te phushel les, "So manges latar", vai "Sostar des duma lasa?"

²⁸E zhuvli meklia peski vadra, ai gelitar ando gav, ai phenel le manusheske.

²⁹"Aven, dikhen iek manush kai phendia mange so godi kerdem. Nai kado O Kristo?"

³⁰Anklisto avri anda foro, ai avile leste.

³¹Ande kodia vriama leske disipluria grebinas, phenenas leske, "Gazda, xas vari so."

³²Numa wo phendia lenge, "Si ma xabe te xav kai tume chi zhanen."

³³Le disipluria denas pe duma iek kavres, "Pate andia leske vari kon te xal?"

³⁴O Jesus phendia lenge, "Murho xabe si te kerav e voia kodoleski kai tradia man, ai te getov leske buchi.

³⁵Chi phenen tume, "Si shtar shon zhi kai chiden o jiv?" Ashun! phenav tumenge, phutren che iakha, ai dikhen le kimpuria; ke vunzhe o jiv gatalo te avel chidino.

³⁶Kodo kai chidel lel peske pochin, ai chidel fruti pala o traio le rhaiosko; ai kodo kai shudel o jiv ai kodo kai chidel raduinpe andek than.

³⁷Kadala vorbi si chache, iek shudel o jiv, ai kaver chidel o jiv.

³⁸Tradem tume te chiden so chi shudian, aver kerde buchi. Aver bariarde ai tume avile te chiden lenge fruti."

³⁹But Samaritanuria kodole gaveske pachanaspe ando Jesus pala kacha viasta chachi la zhuvliaki, woi phendia, "Phendia mange so godi kerdem."

⁴⁰Ai vi le Samaritanuria avile ka Jesus, ai mangenaspe lestar te beshel pasha lende: wo beshlo dui dies.

⁴¹Ai mai but narodo pachanaspe ando Jesus pala leske vorbi.

⁴²Ai mothonas la zhuvliake, "Akana pachas ame, nai ke pala so tu phendian amenge, ke ame ashundiam les ame, ai zhanas ke chaches wo si O Kristo, O Skepitori la lumiako."

⁴³Pala kodola dui dies O Jesus gelotar kotsar te zhal ande Galilee.

⁴⁴Ke O Jesus phendiasas, "Ke ek profeto nai jindo ande pesko them."

⁴⁵Kana areslo ande Galilee, le Galilenuria premisarde les, kai dikhle so godi O Jesus kerdiasas ando Jerusalem kana sas e pachiv; ke vi won sas ka kodia pachiv.

⁴⁶O Jesus avilo palpale ando gav kai bushol Cana andai Galilee, kai parhudiasas o pai te kerdiol mol. Sas ando Capernaum iek fitsiri le amperatosko, kai sas lesko shav naswalo.

⁴⁷Kana ashundia ke O Jesus avilo andai Judea ande Galilee, gelo karing leste, ai mangliape lestar te avel te sastiarel leske shaves, kai si po merimos.

⁴⁸Porme O Jesus phendia leske, "Te na dikhena mirakluria chi pachan tume, vov si."

⁴⁹O fitsiri le amperatosko phendia leske, "Gazda, Aida mande mai anglal te merel murho shav."

⁵⁰O Jesus phendia leske, "Zha khere, cho shav traiil!" Ai kodo manush pachaiape e vorba kai O Jesus phendia leske, ai gelo.

⁵¹Inker po drom sas te zhal peste khere, kana leske slugi avile ande lesko drom, ai mothon leske. "Cho shav traiil."

⁵²Ai wo phushel len, "Ka che chaso sastilo?" ai won phende leske, "Arachi karing o pervo pala miatsuzo o zharo gelotar."

⁵³Antunchi o dat zhanelas ke sas kodo chaso kana O Jesus phendiasas leske, "Cho shav traiila." Wo ai savorhe ando lesko kher pachanaspe ando Jesus.

⁵⁴Kado sas o duito miraklo kai kerdia O Jesus kana avilo andai Judea ande Galilee.