Read romani Pervo Korintiana 10 Bible Online

Pervo Korintiana 10 - romani bible

Pervo Korintiana 10

¹Phrala le, chi mangav te na zhanen, ke sa amare dada sas tela nuvero, ai savorhe nakhle andai maria.

²Savorhe sas bolde ando Moses tela o nuvero ai ande maria.

³Kai savorhe xale iek fielo xamos Devleske.

⁴Kai pile savorhe iek pai anda Swunto Duxo; ke penas ka stana baxreske kai avela pala lende: ai kadia stana baxreske sas O Kristo.

⁵Numa mai but anda lende nai drago le Devleske: ke but xasaile ande pusta.

⁶Akana kodola dieluria kerdile ame kashte te podain amenge te zhanas so kerdilia, kaste te na aven ame chorhe ginduria sar sa le len.

⁷Na kerdion kodolendar kai lenpe pala ikoni, sar uni anda lende kai si ramome, le manush beshle tele te xan ai te pen, porme wushtilo opre veselisaile.

⁸Na ingeras amaro stato kai kurvia, sar uni anda lende kerde, ai mule anda lende ande iek dies bishtai trin mi.

⁹Na zumaven O Krisro sar kerde uni anda lende, ai le sapa xale le.

¹⁰Na divinin kontra O Del sar divinisarde won, ai mule anda lende but.

¹¹Kodola dieluria kerdile lenge kaste te podain amenge: ai ramome le kaste te sicharen amen, ame kai sam aresliam kai getolpe e lumia,

¹²anda kodia kodo kai gindilpe ande punrhende te arakhelpe te na perel.

¹³Chi iek zumaimos chi kerdiol tumenge te na sai rhevdila: numa O Del kai si chacho, chi mekel te aven zumade mai but sar sode si e zor, numa kana kerdilia amenge vari so, wo lasharel le dieluria te anklia avri anda kodo nasulimos, kashte te sai rhevdisaras les.

¹⁴Anda kodia murhe drazhe, nashen katar le dela chorhe.

¹⁵Dav duma sar le manushensa le gojavrensa; keren tume kris so phenav.

¹⁶Kana das o rhugimos pala o daxtai ai piias e mol kai skafidi le Devleski, nai kodia o rat le Kristosko? O manrho kai xas kai skafidi le Devleski nai kodia andek than ando stato le Kristosko?

¹⁷Ke si iek manrho ame kai sam but, kerdilia iek stato lestar: ke keras kodia diela ieke manrhesa.

¹⁸Dikhen le Zhiduvuria kodola kai xan le masa le zhigeni kai mudaren le, vov si andek than le altariosa.

¹⁹So phenav? Ke kodola masa kai shinavel le le devlenge si vari so, vai ke kokola dela lenge si vari so?

²⁰Kanchi nai. Phenav ka kodo kai shinavel les, na le devlenge numa le bengeske, me chi mangav te aven andek than le bengensa.

²¹Nashti pen anda daxtai le Devlesko, ai anda daxtai le bengenge: nashti zhan kai skafidi le Devleski, ai kai skafidi le bengenge.

²²Manges te xoliaras le Devles? Sam ame mai zurales lestar?

²³Swako fielo slobodo mange, numa swako fielo chi trobul; swako fielo slobodo, numa swako fielo chi maladiol le manushes.

²⁴Porme te na rodel peske mishtimos korkorho, numa savorhe te roden kodo le kavrenge.

²⁵Xan swako fielo, so godi bichindiol po bazari, bi te phushen so si katar avel.

²⁶Ke e phuv si le Devleski, ai so godi si pe late.

²⁷Te si vari kon kai chi pachalpe ai akharel tume, ai te mangena te xan. Xan so godi anena tume, bi te phushen te dar si vari so kai chi trobul.

²⁸Numa te phenela tumenge vari kon, kako sas shinado andal le devlenge, na xan, na anda kodo kai shinadia les, ke e phuv si le Devleski, ai so godi si pe phuv.

²⁹Kai del duma, na anda tumende, numa anda kodo kai phenel: ande soste keren kris pe murhi ivia anda aver vari kon?

³⁰Te xala ai naisiv le Devleske, sostar lav sama?

³¹Vai xana, vai pena, so godi keren, keren les te bariaren o anav le Devlesko.

³²Numa na len vorbi kai nai lashe, chi le Grekonge, chi le Zhidovonge, vai chi la khangeriake le Devleski.

³³Sar kai chi sim me, mangav te kerav so godi vorta, chi rodav so si mange mishto, numa so si o mishtimos savorhen.