Read romani Pervo Korintiana 12 Bible Online

Pervo Korintiana 12 - romani bible

Pervo Korintiana 12

¹Andal podarki le Duxoske chi mangav phrala le te na zhanen.

²Zhanen ke kana chi pachanas pe ando Del, zhanas pala ikoni ke si mute, sar kai sanas ingerde.

³Anda kodia phenav tumenge, ke khonik te dela duma pa Duxo le Devlesko chi phenel ke O Jesus si prokletsime, ai khonik nashti phenel ke O Jesus si O Del, de ferdi pa Swunto Duxo.

⁴But fialuria bucha, numa iek Del.

⁶But fialuria dieluria, numa iek Del kai kerel sa savorhende.

⁷Swakoneske o dikhimos le Duxosko dino lo po mishtimos savorhenge.

⁸Chaches iekes del o Duxo iek vorba gojaver, avres iek vorba zhanglimata pa iek Duxo.

⁹Avres pachamos pa sa iek Duxo, avres del les e podarka le sastiarimasko pa swako Duxo.

¹⁰Avres kerel mirakluria, avres del profesia, avres te haliarel le duxuria; avres te zhanel but shiba; avres te haliarel but shiba.

¹¹Sa iek duxo kerel sa kadala dieluria del swakones sar wo mangel.

¹²Ke sar o stato si iek, si les but kotora, ai sa le but kotora kerdion ferdi iek stato. Kadia si ka Kristo.

¹³Chaches savorhe samas bolde ande iek Duxo te kerdiuas iek stato, te avena Zhiduvuria vai Grekuria, vai slugi vai sloboji, savorhe piliam iek Duxo.

¹⁴Kadia o stato nai iek kotor, numa kerdiol anda but kotora.

¹⁵Te phendino o punrho, ke chi sim o vas, chi sim anda stato, anda kodia nai wo anda stato?

¹⁶Ai te phendino o khan, ke chi sim o iakh, chi sim anda stato, nai wo anda kodia stato?

¹⁷Te avilino sa o stato iakh, kai avilino o ashunimos? Te avilino sa ashunimos, kai avilino o sungaimos?

¹⁸Akana O Del thodia sa le kotora ando stato sar manglia, te savorhe avilino.

¹⁹Iek kotor, kai avilino o stato?

²⁰No akana but kotora si, ai iek stato?

²¹E iakh nashti phenel le vasteske, chi trobul ma; chi o shero le punrhenge, chi trobul ma.

²²Numa le kotora anda stato, kai si le mai slabe trobula le.

²³Ai kodola kai nai anda rhindo, na lendar sama zurales. Kadia le kotora le mai bi lashe, sa mai len anda rhindo.

²⁴Ke kodola mai chache chi las lendar sama. O Del kerdia o stato, kadia te sas mai anda rhindo kodolen mai trobul le.

²⁵Kaste te na avel xulaimos ando stato, numa le kotora te len sama anda kolavers.

²⁶Ai te lava iek kotor, sa kotora dukhal les, lesa andek than ke iek kotor si ando rhindo, vi le kaver kotora raduin pe lesa.

²⁷Tume san o stato le Kristoske, ai tume san leske kotora swako pe peski parta.

²⁸Ai O Del thodia uni ande khangeri mai anglal le apostluria, duito le profeturia, trito le manush kai sicharen, porme kodola kai si le e podarka le miraklonge, porme kodola kai si le podarka te sastiaren, te zhutin, te poronchin, te den duma but shiba.

²⁹Savorhe apostluria? Savorhe profeturia? Savorhe sicharen le? Savorhe si le e podarka kai kerel le mirakluria?

³⁰Savorhe si le e podarka la sastiarimaske? Savorhe den duma pal shiba? Savorhe haliaren le shiba?

³¹Mangen le podarki si mai lashe ai sikavav tumenge iek drom o mai lasho.