Read romani Pervo Korintiana 14 Bible Online

Pervo Korintiana 14 - romani bible

Pervo Korintiana 14

¹Le tu pala e dragostia, ai roden le podarki le Devleske, mai but kucha le profesia, chaches.

²Kodo kai del duma pel shiba chi del duma le manushensa, numa le Devlesa; ke khonik chi haliarel leske; ai ando duxo phenel shodenia.

³Kodo kai del profesia aver fial del duma le manushensa, zuralel le, zhutil le, pechil le.

⁴Kodo kai del duma pel shiba vazdel pek korkorho, kodo kai profetil vazdel e khangeri.

⁵Mangav te den duma savorhe pel shiba, numa mai but te profetis, kodo kai profetil mai baro lo sar kodo kai del duma pel shiba. De ferdi kodo vi te haliarela le shiba. Kashte te vazdel e khangeri.

⁶Akana, phrala le, che mishtimos kerava tumenge te avavas tumende te dav duma pel shiba, ai te na dav duma katar O Del, vai pa zhanglimos, vai pa profesia, vai pai zakono.

⁷Le dieluria kai chi mishkin, ai kai bashen sar iek fishtoko vai iek tsitura, chi bashen but fialuri, sar haliarasa so diilaben po flishtoko vai pe tsitura?

⁸Ai e tutraza te bashela bi goresko, kon lashardiol po marimos?

⁹Vi tume, iek fialo la shibasa te na den iek vorba vorta sar zhangliape, so phenen? Dena duma pe barval.

¹⁰Makar ke but shiba si ande lumia, chi iek nai te na avel iek shib.

¹¹No te na haliarava kodia shib, sim iek sirbatiko kodo leske kai del duma, ai kodo kai del duma si mange sirbatiko.

¹²Saikfialo tume, roden le podarki le Devleske te vazden e khangeri.

¹³Kodo kai del duma pa shiba, rhugilpe te mothol so phendia.

¹⁴Te rhugiva ma pel shiba, murho duxo rhugilpe, numa murhi goji chi kerel kanchi.

¹⁵So te kerav? Rhugiv ma le duxosa, ai rhugiv ma vi la gojako, jilabav le duxosa, ai jilabav vi la gojasa.

¹⁶Te na nichi, te naisisaras le Devles, pa le duxosa sar phenela o manush and narodo, Amen, kai naisardia, ke chi zhanel so phenes?

¹⁷Chaches mishto naisis, numa kaver nai vazdino.

¹⁸Naisiv le Devleske, ke dav duma pel shiba mai but sar tume savorhe.

¹⁹Numa ande khangeri mai drago mange te phenav panzh vorbi murhe gojasa, kashte te sicharav vi le kavren, de sar desh mi vorbi pel shiba.

²⁰Phrala le, te na aven shavorhe po haliarimos, aven manush numa keren sar le shavorhe kai chi zhanen sar te keren bezex.

²¹Ramome ande zakono, katar manush avre shibake ai andal mursh streino dava duma kadale narodos, ai chi kadia chi ashunena mande, phenel O Del.

²²Anda kadia le shiba si semno, na kodolenge kai pachanpe, numa kodolenge kai chi pachanpe. E profesia aver fialo semno si, na kodolenge kai chi pachanpe, numa kodolenge ka pachanpe.

²³Te ande khangeri kana si chidine savorhe, den duma pel shiba, ai te avena manush anda narodo, vai kai chi pachanpe, chi phenena ke dile san?

²⁴Numa savorhe te profetina, ai te avela iek manush kai chi pachanpe, vai iek manush anda narodo, savorhe keren les te haliarel, ai savorhe keren kris pe leste.

²⁵O garaimata anda lesko ilo sikadiol, kadia ke perela tele mosa te rhugilape ka Del, ai vestila ke O Del chaches mashkar tumende lo.

²⁶So te keras phralen? Kana chiden tume, iek vai avres si tume iek kantik, vai iek sicharimos, vai iek sikaimos, iek shib, iek parhuimos te kerdiol sa po vazdimos.

²⁷Si kai den duma pa shib, dui vai trin, vai mai but den duma swako te pesko rhindo, vai vari kon te parhuvel.

²⁸Te na avela vari kon kai parhuvel, te na den duma ande khangeri, ai swako te del duma pe sa, ai le Devles.

²⁹Andal profeturia dui vai trin te den duma, ai kaver te keren kris.

³⁰Te avres kai beshel tele avel sikaimos, o pervo te na mai del duma.

³¹Ke savorhe sai profetin pala iek kavreske, kashte te aven sicharde. Ai savorhe te aven raduime.

³²O duxo le profetongo ninkeren le profeturia.

³³Ke O Del nai iek Del bi gorasko, numa pacha, sar ande sa le khangeria le Swuntonge.

³⁴Le zhuvlia te na den duma kana si chidine ande khangeri, ke nai lenge slobodo te den duma, o zakono Zhidovisko phenel kodia.

³⁵Te mangena te sichon pe vari soste te beshen penge rhomen khere. Ke zhungales ieka zhuvliake te del duma ande khangeri.

³⁶Tumendar ankliste le Vorba le Devleski vai ferdi tumende avili?

³⁷Te gindilpe vari kon profeto, vai ke zhanel te dikhel, ke so ramov tumenge, zakono si katar O Del.

³⁸Ai te na zhanel vari kon, mek te na zhanel.

³⁹Kadia, phrala le, roden e podarka le profesiaki, ai chi aterdion le te den duma pel shiba.

⁴⁰Numa swako fialo te kerdiol mishto ai vorta.