Read romani Pervo Korintiana 16 Bible Online

Pervo Korintiana 16 - romani bible

Pervo Korintiana 16

¹Anda so si o chidimos karing le swuntsi, keren vi tume sar phendem le khangeriange andai Galatia.

²Ke swako andal tumende, o angluno dies le kurkesko, thol rigate peste so dashtila pala pesko barvalimos.

³Kashte te na azhkeren murho areslimos te chiden le podarki, ai kana avava tradav lila te ningeren tumaro mishtimos ando Jerusalem.

⁴Te sai zhav, won sai zhan mansa.

⁵Zhava tumende kana nakhava e Macedonia, ke nakhava e Macedonia.

⁶Amborim beshava tumende, vai amborim nakhav po ivend. Kashte te ninkeren ma compania kotse kai zhava.

⁷Chi mangav kadia data te dikhav tume ando nakhimos, numa mangavas te beshav iek vriama pasha tumende te mangela O Del.

⁸Beshava ando Ephesus zhi ka Pentecost.

⁹Ke iek bari vurota kai vushoro zhav andre phuterdile manush, ai le duzhmaia but si.

¹⁰Te aresela o Timote, keren kadia te avel mashkar tumende bi darako, ke vi wo kerel buchi sar mande anda diela le Devleske.

¹¹Khonik te na shudel les, ningeren les pachasa, kashte te avel karing mande, ke azhukerav les le phralensa.

¹²So si anda phral o Apollos, thodem but zor pe leste te zhal tumende le phralensa: numa chaches na leske voia te kerel kadia akana. Te avela kana moladiola.

¹³Len sama, beshen zurales anda pachamos, aven rhom, zuraven tume.

¹⁴So godi keren, te kerdiol dragostimasa.

¹⁵Mai phenav tumenge mai iek diela phrala le, zhanen ke familia le Stephenas, ai le anglune andai Achaia, kerdiape te podail le swuntson.

¹⁶Phushav tumendar te ashunen, ai aven vi tume karing kasavendar manush ai karing savorhe kai keren buchi amensa.

¹⁷Raduiva ma kotse ka o Stephonas, ai o Fortunates, ai o Achaicus: thodepe ande tumaro than kana chi sanas katse.

¹⁸Ke pechisarde vi man, ai vi tumen te zhanen te thon te luvudin kasavendar manushen.

¹⁹Le khangeria ande Asia den tume dies lasho. E Aquila ai e Priscilla la khangeriasa kai si ande lengo kher den tume dies lasho ando Del.

²⁰Sa le phral den tume dies lasho, den tume iekavres dies lasho ieke Swunto chumidimasa.

²¹Dav tume dies lasho me o Pavlo murhe vastesa.

²²Te vari kaske nai drago Del Jesus Kristo – ek armaia pe leste, Maranatha, amaro Del, aves!

²³O mishtimos le Devlesko O Jesus Kristo, te avel tumensa.

²⁴Murhi dragostia ando Del tumensa lo. Amen.