Read romani Pervo Korintiana 4 Bible Online

Pervo Korintiana 4 - romani bible

Pervo Korintiana 4

¹Kadia te dikhen pe ame, sar slugi ke Kristoske, kai das o shodimos le Devlesko.

²So mangelpe katar kodola kai den, te arakhadiol swako chacho.

³Mange xantsi, tume te keren pe mande kris, vai manushenge kris; ai chi me chi kerav pe mande kris, ke chi haliarav ma doshalo pe kanch.

⁴Numa nai anda kodia ke sim chacho, kodo kai kerel pe mande kris si O Del.

⁵Anda kodia na keren kris pe kanchi mai anglal sar e vriama, zhi kai avel O Del, kai thola anda sveto so godi si garado ando tuniariko, ai sikavela le ginduria le ilenge. Antunchi swako lela katar O Del o luvudimos kai si lesko dino.

⁶Anda tumende, phrala le, kerdem kadala dieluria mange ai le Apollos, kashte te sichon pa amende te na zhan mai angle anda so si ramome, ai khonik anda tumende te na kerel bariarel iekes po kaver.

⁷Ke so si kai sikavel? So si tu kai chi lian, ai te lian sostar bariares tu sar te na lianas le?

⁸Vunzhe chaile san! Vunzhe barvale san! Tume traiin sar amperaturia bi amensa, ai te dashtinas te aven bare, kashte te lia ame avas bare tumensa.

⁹Ke O Del miazol mange kerdia anda amenge apostluria le palune andal manush, sar shinade ka martia: anda kadia dikhlia ame e lumia le angeluria, ai le manush.

¹⁰Dile sam pala Kristo, numa tume san gojaver ando Kristo! Ame sam slabe, numa tume san zurales! Tume san respektome, ai ame sam shudine.

¹¹Zhi ka kado chaso bokhale sam, trushale sam, nange sam, marde sam, ai phiravas ame than thanestar.

¹²Ai keras buchi amare vastesa: stramime sam, rhugisaras lenge; chinuime sam, rhevdisaras: xoxaven pe amende, dem duma lashimasa;

¹³kerdiliam sar o gunoi la lumiake, ai ame sam o shudimos la savorhenge zhi akana.

¹⁴Chi ramon kadala dieli te kerav tumenge lazhav, numa te phenav tumenge sar murhe drazhi shavorhe.

¹⁵Ke marka te avela tume desh mi xazhaino ando Kristo, nai tume but dada, tume avilian shave le Devleske, kana phendem tumenge e lashi viasta.

¹⁶No mangav ma tumende, keren sar mande.

¹⁷Anda kodia tradem tumenge o Timote, kai si murho drago shav, ai chacho ando Del, phenela tumenge save si murhe droma ando Kristo, ai chi fiela sicharav kai godi ande sa le khangeria.

¹⁸Uni puchi le ande barimata, sar akana te na si te avav tumende.

¹⁹Numa sigo zhava tumende, te si voia le Devleski, ai zhanava so le puchile keren, ai na ferdi so won phenen.

²⁰Ke o rhaio le Devlesko nai andel vorbi, numa ande putiera.

²¹So mangen? Te zhav tumende le ka rovliasa, vai dragomasa, ai iek duxo guglo?