Read ronga Mnt 6 Bible Online

Mnt 6 - ronga bible

Mnt 6

¹Amasikwini lawo, hikuva a vadondrisiwa vayandrile, kavini kun'unun'uta ka va-helenista, hinkonta ya va-Heberu, hi leswi a vavasati va mafelwa vavu afaka vasiyiwa akuyaveleni ka siku drin'wana ni drin'wana.

²Lava va khume na vabiri vahangavitana vunyingi bya vadondrisiwa vaku ku vone: Ahi swa hombe akuva hitrika kurera ritu dra Xikwembu Nkulukumba akuva hitira amatafuleni.

³Ke, vamakweru, tihlawulelani a vavanuna amakari kwenu va ntlhanu na vabiri, lava va kudumbeka ni vutivi lava vataliki hi Moya wa Kuxwenga akuva hitavabeka valavisela ntiro lowu.

⁴Hine, hitatiyisela akukhongoteni ni le ntirweni wa kuhlaya ritu dra Xikwembu Nkulukumba.

⁵Hinkwavu vayingelana, kutani vahlawula Stefano, a wanuna lweyi ataliki hi kupfumela ni hi Moya wa Kuxwenga, na Filipi, na Prokoro, na Nikanori, na Timoni, na Permenasi, na Nikolawu lweyi wa muproselita[4] wa le Antiyokiya.

⁶Vavabeka mahlweni ka vapostola; kuti loko vavakhongotile, vavantlhanteka mavoko.

⁷A ritu dra Xikwembu Nkulukumba afa driya mahlweni, na yone nhlayu ya vadondrisiwa afa yiyandra ngopfu a Yerusalema; mfuri a vunyingi bya vaprista afa vayamukela vupfumeli.

⁸Stefano, lweyi ataliki hi timpswalu ni ntamu, afa ayentxa mahlolana ni swikombiso amakari ka tiko.

⁹Kolahu, kuyima vavanuna va sinagoga dra lava vahlayiwaka va Vatrhunxiwa, ni va-Kirene, ni va Alixandriya, ni van'wana lava vahumiki le Kilikiya na Aziya, vakanetana na Stefano.

¹⁰Kambe vahluleka kulwa ni vutlhari ni Moya lowu afaka avulavula ha wone.

¹¹Kolahu vahakela a vhanu akuva vaku: Hayingeli wanuna lweyi ahlaya maritu ya kusandra Moxe ni Xikwembu Nkulukumba!

¹²Hi ndlela leyi vapfuxa tiko, ni vakulu ni vatrali, vamutela, vamuwutla, vamuyisa hubyini.

¹³Kutani vahumexa timboni tin'wana ta madrimi leti tingaku: A mhunu lweyi, angatriki kuhlaya maritu ya kusola a mbangu lowu wa kuxwenga ni Nawu;

¹⁴hikuva hitrhama hikumuyingela na ahlaya leswaku Yesu, mu-Nazarete, atahohlota a mbangu lowu, ni kundruluta swihila leswi Moxe ahinyikiki.

¹⁵Hinkwavu lava afaka vatrhamisi hubyini, vapondrolela Stefano, vavona vuso byake swanga i vuso bya ntrumi.