Read ronga Rm 12 Bible Online

Rm 12 - ronga bible

Rm 12

¹Vamakweru, nan'witratriya kolahu hi lirandru dra Xikwembu Nkulukumba akuva n'witinyiketa ku yene swanga mhamba leyi ya kuhlawuleka ni leyi yitrhavisaka. Hi droledri gandrelo ledra ntshima ledri n'wifanekelaka ku munyika.

²N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

³Hi timpswalu leti ni nyikiwiki tone, ni n'wileleta leswaku ni mun'we anga txhuki atipimisa kutlula leswi swifanelaka. Kusungula yanakanyani hi kunabyala ni leswaku mun'wana-ni-mun'wana a atiyanakanye ha vuswake swanga hi mpimu wa kupfumela lowu Xikwembu Nkulukumba amunyikiki.

⁴Hikusa swanga hileswi amirini min'we kungani swiro swakuhambana, ahi hinkwaswu swingani mintiro ya kufanana.

⁵Xi leswo na hine, hinga vanyingi, kambe hi miri min'we ku Kriste, na swone hi swiro ku mun'wana-ni-mun'wana;

⁶leswi hingani tinyiko leti hambaniki, hikola ka timpswalu leti hi nyikiwiki tone: Lweyi angani nyiko ya kuprofeta, afanela kuyi tirisa hi kulandra kupfumela kwake.

⁷Lweyi angani nyiko ya kutirela, ayi tirise, lweyi angani nyiko ya kudondrisa, a adondrise;

⁸ lweyi angani nyiko ya kutiyisa vambeni, a avatiyise; lweyi ayavelaka leswi anga na swone ayavele hi vumbilu, lweyi arangelaka, aswiyentxa hi lipfalu hinkwadru, lweyi a pfunaka lava pfumalaka, avapfune na atrhavile.

⁹Ingi lirandru drenu dringava ni kudumbeka, nyenyani swakubiha n'wiyentxa leswi swinene.

¹⁰Randranani hivuxaka, n'wisiya-siyana hiku yentxelana xihluwa.

¹¹N'wingavi malolo akukhinyeleni kwenu, pfurani moyeni, n'witirela Hosi.

¹²Nyoxani akulaviseleni, n'wiva ni xixixi amahlomulweni, n'witiyisela a kukhongoteni.

¹³Yavelanani ni vapfumeli lava pfumalaka, yamukelani swinene a vayeni.

¹⁴ Kombelelani lava van'wixanisaka, vahlayelani makateko, n'wingava kombeleli swakubiha.

¹⁵Trhavani ni lava vatrhaviki n'widrila ni lava vadrilaka.

¹⁶Hanyani hi kuyingelana amoyeni mun'we; n'wingatidjuleli leswi tlakukiki, kambe yamukelani leswi trongahatekiki; n'winga tikuliseni hi leswi n'wiswitivaka.

¹⁷N'wingatlheliseli kubiha hi kubiha. Djulisisani ni kuyentxa leswi swinene amahlweni ka hinkwavu.

¹⁸Loko swikotekaka hi tlhelo drenu, vanani ni kurula ni vhanu hinkwavu.

¹⁹ Varandriwa, n'wingayavanyisi hi mavoko yenu. Trikelani mahlundru ya Xikwembu Nkulukumba, hikusa a Hosi yiti a Matralweni ya kuxwenga: A kudrihisa kufanele mine, hi mine nitaka nyika a hakelo.

²⁰Matlhela maku: Loko a nala waku ani ndlala, munyike ada ni loko ani tora munyike anwa. Hi kuyentxa leswo uta mukhomisa tingana.

²¹Ungahluliwe hi swakubiha, kambe hlula swakubiha hi leswi swinene.