Read ronga Rm 14 Bible Online

Rm 14 - ronga bible

Rm 14

¹Yamukelanani hi vunene lweyi wa kutrana akupfumeleni kwake, na n'winga kanetani na yene hinkonta ya timhaka.

²Amun'we akholwa leswaku hinkwaswu swadiwa, kambe lweyi wakutrana akupfumeleni, a da timbowa.

³Ke, lweyi a daka hinkwaswu anga faneli kudrela lweyi anga dikiki; ni lweyi angadikiki angafaneli kusola lweyi a daka hinkwaswu, hikusa na yene awa yamukeliwa ha Xikwembu Nkulukumba.

⁴U mani wene uyavanyisaka a nandra wa mun'wana? Ku hosi yake nambi ayimile, kumbi awa; kambe ata yima, hikusa a Hosi yini ntamu waku muyimisa.

⁵Amun'we a hambanisa a siku drin'wana ni drin'wana, Kambe mun'wana apimisa leswaku masiku hinkwawu mafana. Mun'wana-ni-mun'wana afanela kuya hi laha akholwaka ha kone.

⁶Lweyi ahlawulaka siku drin'wana ni drin'wana driva dra Hosi ayentxe; lweyi a daka hinkonta ya Hosi aade hikusa atwalisa Hosi; Lweyi angadikiki hinkonta ya Hosi angade atwalise Hosi.

⁷Aku na ni mun'we ku hine lweyi atihanyelaka hi ntshima yake ni kutifela.

⁸Loko hi hanya hi hanyela Hosi, ni loko hi fa hi fela Hosi, hikolahu nambi kuli kuhanya nambi ku kufa hi va Hosi.

⁹Hileswo-ke, Kriste afile atlhela ahanya akuva atava Hosi ya vafi ni vahanyi.

¹⁰ Loko swilitanu, umuyavanyisela yini wene makwenu kumbe kumu drela? Hinkweru hita kombisiwa amahlweni ka Xikwembu Nkulukumba akuva hi yavanyisiwa ha xone.

¹¹ Xileswi a Hosi yili a Matralweni: Mine natiyisa leswaku hinkwavu, vata khisama amahlweni kwanga na hinkwavu vata switiva livaleni leswaku mine ni Xikwembu Nkulukumba.

¹²Hikolahu-ke, mun'wana-ni-mun'wana weru ata tiyangulela mahlweni ka Xikwembu Nkulukumba.

¹³Hi leswo, ahi trikeni kusolana van'we ni van'wana. Trema mhaka yaku ungayentxe ntxhumu lexi khunguvanyisaka vambeni kumbe kuwela xihonweni.

¹⁴Swanga hi mupfumeli ku Hosi Yesu, naswitiva niva ni kholwa akuna ntxhumu lexi yilaka hi swa xone. Kambe, loko mun'wana ayanakanya leswaku a ntxhumu wa yila, wu ndruluka hakunene wa kuyila ku yene.

¹⁵Ke, loko wene upfuxa kuvaviseka ku makwenu hinkonta ya leswi uswidaka, kutani awahayentxi hi lirandru. Hi swakuda swaku, unga vi pfuxa kulahleka ka mun'wana lweyi Kriste amufeliki.

¹⁶Kungavi ni lweyi akhunguvanyisaka Xikwembu Nkulukumba hinkonta ya ntxhumu lowu n'wine mi liki i wunene.

¹⁷Hileswo-ke, a Mfumu wa Xikwembu Nkulukumba ahi mhaka ya swakuda ni swakunwa, kambe i mhaka ya kululama, kurula ni kutrhava loku pfaka ku Moya wa Kuhlawuleka.

¹⁸Lweyi atirelaka Kriste hi ndlela leyo, anyoxisa Xikwembu Nkulukumba na swini kuyamukeliwa hi vhanu.

¹⁹Xileswo ahidjuleni mintxhumu leyi minyikaka kurula na mi hi pfuna kutiyisa kupfumela ku van'we ni van'wana.

²⁰Ungahoni a ntiro wa Xikwembu Nkulukumba hinkonta ya swakuda. Kunga diwa hinkwaswu, kambe swi bihile kuda xa ntxhumu lexi yisaka van'wana kudoheni.

²¹I swa hombe unga di nyama ni kunwa vhinyo nambi ku kuyentxa xa ntxhumu lexi susaka makwenu akupfumeleni awela xihonweni.

²²Leswi u pfumelaka swone wene ha vuswaku aswivi makari kwaku ni Xikwembu Nkulukumba. Akatekile lweyi angalikina swakutiyavanyisa ha vuswake hikola ka leswi aswihlawulaka.

²³Kambe, loko mhunu ali nikukanganyisa hi tlhelo dra leswi aswidaka, hikusa angaswitivi kumbe Xikwembu Nkulukumba awaswiyamukela leswo, lweyo ani nandru hi kuda, hikusa angayentxi hi kulandra kupfumela. Hinkwaswu leswi aswiyentxaka na swiyalana ni kupfumela i xihono.