Read ronga Rm 3 Bible Online

Rm 3 - ronga bible

Rm 3

¹Hi drini ke bindru dra kuva mu-Yuda? Hi drini lisima dra kusoka?

²I drikulu hi matlhelo hinkwawu. Hikusa kusunguleni Xikwembu Nkulukumba anyiketi Maritu yake ku va-Yuda hi kuvadumba.

³Kuhumelela yini loko van'wana vangapfumeli? A kukala kudumbeka kwavu kuta yentxa leswaku Xikwembu Nkulukumba na Yene angadumbeki?

⁴ Ni kutrongo. Akova Xikwembu Nkulukumba lweyi adumbekiki, vamadrimi i vhanu, swanga hi kuhlaya ka Matralwa: A maritu yaku, we Xikwembu Nkulukumba mata kombisa leswaku u mululami ni leswaku utahlula loko u yavanyisiwa.

⁵Kambe loko akukala kudumbeka kweru kubuyisa kuvaninga ka kudumbeka ka Xikwembu Nkulukumba, hi hlaya yini? Xana Xikwembu Nkulukumba atava mubihi loko ahi khatisa?

⁶Aswitanu hikusa loko afa swilitanu, Xikwembu Nkulukumba, ataswikotisa kuyini kuyavanyisa misava?

⁷Kambe loko a vubihi byanga byitirela kukombisa ngopfu a kudumbeka ka Xikwembu Nkulukumba ni lidrumo drakwe, hayini nahayavanyisiwa swanga mudohi?

⁸Kutani hikolahu kayini hingahlayi, swanga hi van'wana vahlayaka hikulumbeta vaku: Hiyentxa vubihi akuva kutata vunene? Van'wana vanilumbeta hi kuhlaya leswo. Lavo vatayavanyisiwa na swilulamile.

⁹Hita kuyini ke? Hine va-Yuda hitava vakuyapswa kutlula van'wana xana? Ni kutrongo; hi kombisile leswaku hinkwavu, ingava va-Yuda swanga, Va-Girika, va le hansi ka nawu.

¹⁰Swanga hi kuhlaya ka Matralwa ya Kuhlawuleka: Akuna lwa lulamiki. Ni mun'we.

¹¹Akuna lweyi ayingelisisaka. Akuna lweyi adjulaka Xikwembu Nkulukumba.

¹² Hinkwavu vafamba handle ka ndlela hinkwavu valahleka. Akuna lweyi ayentxaka leswi swinene. Ni mun'we.

¹³ A minkolo yavu yi swanga hi xira ledri dripfulekiki. Vakanganyisa hi lidrimi dravu. A vuhlungu byatinyoka byihuma amilon'wini yavu.

¹⁴ A nomu wavu wu tali hi xiviti ni vubihi.

¹⁵A minkondro yavu mini matrambu akuya halata ngati.

¹⁶A tindleleni, kunivuhahluli ni mahlomulo;

¹⁷avayitivanga ndlela ya kurula.

¹⁸ Avana kutxhava Xikwembu Nkulukumba ni kan'we.

¹⁹Ke haswitiva leswaku hinkwaswu leswi swihlayiwaka hi nawu, i swa lava vanga hansi ka nawu lowo, akuva milomu hinkwayu mipfaliwa, ni leswaku misava hinkwayu miva ni kuyavanyisiwa amahlweni ka Xikwembu Nkulukumba.

²⁰ Hileswo-ke, akuna mhunu lweyi atakahlayiwa mululami amahlweni ka Xikwembu Nkulukumba hikola ka nawu, Hikusa hi nawu kutibyiwa swidoho.

²¹Kambe swoswi, na kungena nawu, Xikwembu Nkulukumba a hikombisi akululama loko kubekeliwiki vumboni hi nawu ni vaprofeta.

²²Kululama ka Xikwembu Nkulukumba hikola ka kupfumela Yesu Kriste, ka kuhinkwavu (henhleni ka hinkwavu) ku hinkwavu lava vapfumelaka, hikusa akuna ku hambana.

²³Hikusa hinkwavu vadohile, vapfumala kuphatima ka Xikwembu Nkulukumba.

²⁴Kambe vahlayiwa valulami ntsena hi timpswalu, mahlweni ka kuntrhunxeka loku kunga kone ha Yesu Kriste

²⁵Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale;

²⁶akuva a kota kuvonekisa akululama kwake ku nkama wa swoswi, akuva ava lweyi alulamiki, niku hlaya mululami lweyi apfumeliki ku Yesu.

²⁷Kukwini-ke akutikhensa xana? Kususiwile, xana kususiwile hi nawu lowu wakuyini? Wa mintiro xana? Im-him, kambe hi nawu wa kupfumela.

²⁸Hitiyisa leswaku a mhunu a hlayiwa mululami hi kupfumela, handle ka mintiro ya nawu.

²⁹Nakone mfuri Xikwembu Nkulukumba angava ntsena wa va-Yuda xana? Xana ahi wa va-Matiko kone xana? Kunene, i wa va-Matiko na kone,

³⁰inga leswi swaku, Xikwembu Nkulukumba i mun'we ntsena, lweyi atakahlaya valulami lava vakusoka hi kupfumela, ni lava vangasokangakiki, hi kupfumela.

³¹ Hi helisa a nawu hi kupfumela? Aswitanu, na swone ha wutiyisa a nawu.