Read ronga II Kor 10 Bible Online

II Kor 10 - ronga bible

II Kor 10

¹Mine Pawulosi, na n'wikhongotela hi kunabyala ni hivunene bya Kriste, ninga lweyi valiki natitrongohata loko nili amakari kwenu, na kasi ni n'wiyentxa hi kunonon'hwa, loko ni sukile ku n'wine,

²im'na! Nan'wikhongota leswaku loko nili kone ningayentxi hi ntamu lowu ni yanakanyaka kuyentxa van'wana lava vahlayaka leswaku hifamba hi vumhunu.

³Hikusa, nambi loko hi fambi hi nyama, kambe ahi lwi hi nyama.

⁴A matlhari lawa hi matirisaka akulweni kweru ahi ya nyama, kambe im'na, i ya ntamu lowu wupfaka ku Xikwembu Nkulukumba, akuva mahahlula a makhokholo, hihahlula a miyanakanyu ya kuhereka,

⁵ni kutikukumuxa hinkwaku loku kuhumelelaka akulwa ni vutivi bya Xikwembu Nkulukumba, Hiva hiyentxa miyanakanyu hinkwayu miyingiseta Kriste.

⁶Hitiyimiseli kukhatisa kutiyalisa kukala kuyingiseta hinkwaku, kuva kuyingiseta kwenu kuhetiseka.

⁷N'wine n'wilavisisa swa le handle, loko mhunu atidumba leswaku i wa Kriste, aatlhele atiyanakanya leswaku, swanga hileswi yene anga wa Kriste, na hine hiva Kriste.

⁸Hikusa nambi loko nititwalisa ngopfu hi ntamu weru, a ntamu lowu a Hosi yihinyikiki wone, akuva hin'wiyaka kunge ku n'wihahlula, ningavinatingana.

⁹Akuva swingativa ingi hi loko ni randra kun'witxhukisa hi mapapela yanga.

¹⁰Avan'we vataku: A mapapela yake mabindra, manonon'hwa, kambe avukone byake byini gome, na wone a maritu yake madreleka.

¹¹Lweyi ahlayaka leswo, aative leswaku: Leswaku leswi hinga xiswone hi maritu ya Papela, nambi hili kule, itava xiswoswo hi mintiro, loko hitava kolaho na n'wine.

¹²Hikusa ahitiyi kutidringanisa ni kutifanisa ni van'wana vatitwalisaka ha swavu, kambe volavu, hikutidringanisa, ni kufanisana ha swavu, avatlharihanga.

¹³Kambe hine a hi titwalisi kutlula mpimu, kambe ntsena hi mpimu lowu hi yaveliwiki wone hi Xikwembu Nkulukumba, swingaleswi ahitlhasisiki ni le ku n'wine.

¹⁴Hikuva ahintlulanga a mpimu weru, swanga hi loko hingatlhasanga ku n'wine, na kasi hi tlhasile ku n'wine ni Mahungu lawa manene ya Kriste;

¹⁵Na hingatitwalisi handle ka mpimu amintirweni ya van'wana vhanu, na hili ni kulavisela ka leswaku, loko n'wikula akupfumeleni kwenu, hitavani kukhensiwa loku kukulu amakari kwenu, andreni ka mindrelakana leyi Xikwembu Nkulukumba angahinyika yone,

¹⁶na hili ni nkongometo wa leswaku; hita kota a kurera Ivangeli amatikweni mambeni, na kunge hileswaku hi titwalisa hi leswi switiriwiki hi van'wana ayaveleni dravu.

¹⁷Lweyi mfuri, atitwalisaka, aatitwalisele Hosini.

¹⁸Hikusa lweyi atitwalisaka, ahi yene lweyi akhensiwaka, ntsena hi lweyi a Hosi yimutwalisaka.