Read ronga Gl 3 Bible Online

Gl 3 - ronga bible

Gl 3

¹Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

²Nidjula kutiva ntsena leswi: N'wiyamukeli Moya, hinkonta ya mintiro ya nawu, kumbe hi kuyingela ka kupfumela?

³N'wiphuntisi xileswi xana? N'wisunguli hi swa Moya, kutani soswi n'wiswihetisa hi nyama xana?

⁴Xana n'wixanisekile swaku ka ndlela xana? Loko kunene avi swakuka ndlela!

⁵Lweyi an'wiyavelaka Moya, lweyi atiraka mintamu, xana aswiyentxi hi mintiro ya nawu, kumbe hi kuyingela ka kupfumela xana?

⁶Swanga ha Abrahamu angapfumela ku Xikwembu Nkulukumba, akupfumela kwake kuhlayiwi ku yene swanga mululami.

⁷Hikolahu switivani leswaku lava vanga ni kupfumela, i vana va Abrahamu.

⁸ Ke, a tralwa dri swivoni khale leswaku Xikwembu Nkulukumba atahlaya va-Matiko valulami hi kupfumela; a Ivangeli yitivisiwile ku Abrahamu leswaku: Ha yene a matiko hinkwawu matakatekisiwa.

⁹Hileswo-ke, hinkwavu lava vanga vakupfumela, vakatekisiwa ni mupfumeli Abrahamu.

¹⁰Lava vangahansi ka nawu wa Moxe va le hansi ka kuruketeliwa, hikusa kutraliwi: Kurukiwa lweyi angalondrisikiki hinkwaswu leswi traliwiki bukwini dra Nawu, akuva aswiyentxa.

¹¹Swatwala leswaku hi nawu akuna mhunu lweyi angahlayiwaka amululami mahlweni ka Xikwembu Nkulukumba, hikusa a Matralwa mali: A mululami atahanya hi kupfumela.

¹²Hileswo-ke, a nawu awupfi kupfumeleni, kambe vali: Lweyi a landraka swileleto swakone atahanya ha swone.

¹³ Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

¹⁴akuva amakateko ya Abrahamu matlhasa ku va-Matiko ha Yesu Kriste, leswaku hi yamukela hi kupfumela a Moya lowu hi dumbisiwiki wone.

¹⁵Vamakweru, ni khanela na n'wine swanga mhunu nambi loko a xipfumelelano xitiyile, nambi xakuva xa vhanu, akuna mhunu lweyi a honaka, kumbe kuyengesela xa ntxhumu.

¹⁶ Xileswo, swidumbiso swiyentxeliwi Abrahamu ni ku lixaka drakwe; swanga hi loko drili drinyingi. A tralwa adrihlayi, swanga hi loko kuva drin'we ntsena, kambe kuhlayiwa ni le lixakeni draku, anga Kriste.

¹⁷Ke, ni hlaya leswi: leswaku a xipfumelelanu lexi xingatiyisiwa hi Xikwembu Nkulukumba, a nawu wutiki loko kuhundri mune wa madzana ya malembe na makume mararu (430), awuna kuswikota kuhelisa a xipfumelelanu, akuva a xidumbiso xinga havi kone.

¹⁸Hikusa, loko apfindla dripfa nawini, kolahu adrahapfi xidumbisweni; kambe avi hikola ka xidumbiso, Xikwembu Nkulukumba anyikeliki pfindla ledro, hi kulandra leswi afaka adumbisili ku Abrahamu.

¹⁹Ke, a nawu i wa yini xana? Vayengeteliwi wone hinkonta ya kutlula nawu, kukondra kutlhasa lweyi wa lixaka afaka a dumbisiwile, wubekiwi hi ntrumi avokweni dra mutlhanganisi.

²⁰Lavisa, a mutlhanganisi ahi wa mun'we, kasi Xikwembu Nkulukumba i mun'we.

²¹Xana-ke, a nawu wu yalana ni swidumbiso swa Xikwembu Nkulukumba? Swingatxhuki swiva tanu! Hikusa loko afa a nawu wunyikiwi ntamu wa kuhanyisa, kunene akululama afa kuta huma a nawini.

²²Kambe a Tralwa dripfaleli hinkwaswu a hansi ka xihono, akuva hi kupfumela ku Yesu Kriste, vanyikiwa xidumbiso hinkwavu lava vapfumelaka.

²³Loko akupfumela kungasinata, afa hibekisiwa hansi ka nawu, ku wone hipfaleliwa, na hirindrela kupfumela loku afaka kuta pfuleteliwa.

²⁴Hi ndlela leyo, a nawu wuvi mudondrisi weru akuva wuhiyisa ku Kriste, leswaku hihlayiwa valulami hi kupfumela.

²⁵Leswi a kupfumela kutlhasiki, ahahali hansi ka mudondrisi.

²⁶Hileswo-ke n'wine hinkwenu n'wivana va Xikwembu Nkulukumba, hi kupfumela ku Kriste Yesu.

²⁷Hikolahu n'wine hinkwenu n'wibabatisiwiki ku Kriste, n'wiyambexiwi Kriste.

²⁸Akehena kuhambana amakari ka va-Yuda ni va-Matiko, akuna xikarawa, ni vhanu vakuntrhunxeka, makari ka vavanuna ni vavasati. Hikusa n'wine hinkwenu n'wi mun'we ku Kriste Yesu.

²⁹Ke, loko n'wili vaka Kriste, lahu hinkwenu n'wilixaka dra Abrahamu, ni vadi va pfindla swanga hi xidumbiso.