Read ronga Kls 4 Bible Online

Kls 4 - ronga bible

Kls 4

¹ Venyi, hanyani hi kululama ni vunene ku swikarawa swenu, na n'witiva leswaku n'wine n'wini Hosi yin'we tilweni.

²Khinyelani aku khongoteni, na n'wihiteka hi mitlangelo.

³N'wihikhongotela na hine mfuri, akuva Hosi yi ta hipfulela nyangwa ya kurera ritu, akuva hikota ku vulavula hi kungu dra Kriste, xileswo mfuri ningabohelweni hinkonta ya drone.

⁴Khongotani-ke leswaku nikota kudrivonekisa swanga hileswi inga mfanelo yanga kuvulavula.

⁵ Fambani hi vutlhari ku lava ngeke vapfumeli, na n'wilondrovota swinene a minkama.

⁶Akukhanela kwenu akuve loku ka kunyoxisa minkama hinkwayu, na kulungiwile hi munyu, tivani kuyangula loku kufanekelaka mun'wana-ni-mun'wana.

⁷Tikiko a makweru lweyi arandriwaka, lweyi angamutirikulori lweyi wa kudumbeka Hosini atan'winyika madrungula hinkwawu ha mine.

⁸ Lweyi ni murumeliki ku n'wine ni nkongometo mun'we wa kun'witivisa leswaku hi trhamisi ku yini, ni kun'witisela ntxhavelelo,

⁹ni murumela kun'we na Onesimo, a makweru lweyi wa ku dumbeka, lweyi anga mun'we wa kwenu. Vone vatan'widrungulela hinkwaswu leswi humelelaka halenu.

¹⁰ Aristariko, lweyi a bohiwiki kun'we na mine, awa n'widrungula, na Marka a makwavu wa Barnabasi, lweyi n'wiyamukeliki swileleto ha yene; loko yene ata n'wiyendrela muyamukelani ha hombe.

¹¹Na yene Yesu, lweyi vamu hlayaka Yustu, wa n'widrungula, lava vahumaka kusokiweni, hi vone ntsena lava vatirisanaka na mine a swa Mfumu wa Xikwembu Nkulukumba, hi vone vanitxhavelelaka.

¹²Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

¹³Ni mboni ya leswaku yene awatikarata ha n'wine, ni hi lava vanga mutini wa Lawodikiya, ni le Hiyerapolisi.

¹⁴ Luka, lweyi wa n'anga a murandriwa weru, na Demasi na vone va n'widrungula.

¹⁵Drungulani vamakweru va-le-Lawodikiya, na Nimfa ni kereke ledringa ndlwini yake.

¹⁶Ntrhaku ka kuva n'wihlayi papela ledri drirumelani driya hlayiwa a kerekeni dra Lawodikiya, na n'wine hlayani ledri dritaka rumeliwa hi kereke dra Lawodikiya.

¹⁷Kutani hlayani leswo ku Arkipo n'wiku: djulisisa kuhetisisa swinene a ntiro lowu a uyamukeliki ku Hosi.

¹⁸I madrungula ya voko dranga, mine Pawulosi. N'wingavi drivala leswaku ni bohiwile. A Xikwembu Nkulukumba an'witovokise. Amen!