Read ronga I Tsl 1 Bible Online

I Tsl 1 - ronga bible

I Tsl 1

¹ Pawulosi, na Silvano na Timotewu, hi kongomisa ku Kereke dra Tesalonika, ledri dringa ku Xikwembu Nkulukumba Tatana, ni le ku Hosi Yesu Kriste: a timpswalu ni kurula leswi swipfaka ku Xikwembu Nkulukumba Tatana, ni le ku Hosi Yesu Kriste, aswive na n'wine.

²Hi tlangela Xikwembu Nkulukumba hi minkama hinkwayu hinkonta yenu hinkwenu, ha n'widrimuka aswikhongotweni sweru,

³na hi n'widrimuka, hinga karali hikola ka mintiro ya kupfumela kwenu, ku ntiro wenu wa lirandru, ni kutiyisela ka kulavisela ku Hosi yeru Yesu Kriste, amahlweni ka Xikwembu Nkulukumba Tatana weru,

⁴hileswi hi tivaka, vamakweru, leswaku akuhlawuliwa kwenu kupfa ku Xikwembu Nkulukumba.

⁵Hikuva, a Ivangeli yeru ayivanga ku n'wine hi ritu ntsena, kambe hi ntamu ni hi Moya wa Kuxwenga, ni hi kutiyisa loku kaxihlayelamfuri swanga hileswi n'wiswitiviki leswi hihanyisiki xiswone makari kwenu, hi lirandru na n'wine.

⁶ N'wine n'wiyentxeliwi vayetisi veru ni Hosi, n'wiyamukela Ritu ahlomulweni lowu wukulu, hi kutrhava loku pfaka ku Moya wa Kuxwenga,

⁷Hi ndlela leyi n'windruluki xikombiso ku vapfumeli hinkwavu va-le-Makedoniya ni va-le-Akaya.

⁸Hikusa, a Ritu dra Hosi drekutwala ha n'wine, kunge ntsena Makedoniya ni le Akaya, kambe ni le mimbangwini hinkwayu a kupfumela kwenu ku Xikwembu Nkulukumba kuhangalaki, lakakuva aswahadjuleki kuhlaya xa ntxhumu.

⁹Mfuri vone vadrungula manhingenela yeru ku n'wini, ni hi kundruluka kwenu ku Xikwembu Nkulukumba, n'witrika a swikwembu swakuka ndlela, akuva n'witirela Xikwembu Nkulukumba lweyi a hanyaka ni wa xihlayelamfuri,

¹⁰na n'wilavisela a n'wanakwe Matilweni, lweyi amupfuxiki kufeni, anga Yesu, lweyi a hi huluxaka ku mahlundru lawa matakata.