Read ronga II Tsl 2 Bible Online

II Tsl 2 - ronga bible

II Tsl 2

¹Leswi kongomaka a kubuya ka Hosi yeru Yesu Kriste ni kutlhanganisiwa kweru kun'we na yene,

²hi randra kumi kombela, vamakweru, leswaku minga trhami kukaratekeni, nambi kutitrika mikarateka hi kunabyala, nambi kupfilunganyisiwa hi kumi byela leswaku a siku dra Hosi dritlhasile. Nambi loko mhunu anga n'witivisa, kumbe kun'widondrisa hi vito dra Xikwembu Nkulukumba, kumbe leswaku switraliwi leswo apapeleni ledri, va dri hlayaka leswaku i dranga,

³n'winga trikeni mikanganyisiwa hi ntxhumu wa leswo. A siku ledro dringa tita loko kunga sina vani vupfukeli bya vugamu, nambi kunga sina humelela mupfukeli hi vumhunu, lweyi ahlawuleliweliki kulahleka.

⁴Hi lweyi a lwisanaka ni mintxhumu hinkwayu, ni kutibeka henhla ka hinkwaswu leswi a vhanu vaswihlayaka swa vukwembu, kumbe swakubasiseliwa Xikwembu Nkulukumba. Atatlhasela kufuma Yindlu ya Xikwembu Nkulukumba, atikombisa habyake swanga Xikwembu Nkulukumba.

⁵Xana a n'widrimuki leswi na n'wibyelile swa mintxhumu leyi hinkwayu, loko nehe na n'wine?

⁶Kambe na kone leswi n'waswitiva leswaku kuni ntxhumu mun'we lowu sivelaka, leswaku leswo swi humelela swoswi. Kambe a mukaneti ata tikombisa hi nkama wakwe lowu fanekeliki.

⁷Ku leswo a mintamu ya kuhlamalisa ya vubihi matira swoswi. Kambe akuva hinkwaswu swiyentxeka swifaneli leswaku lweyi amuyalisaka a nyamalala,

⁸kolahu kutahumelela a mupfukeli atavonekisiwa, kutani Hosi Yesu ata muhlula hi huhutu dra nomu wakwe, ni kumufuma hi kuphatima ka kubuya kwake.

⁹A musomboloki atahumelela hi ntamu wa Sathana, atanyika swikombiso swa ntamu wukulu hi mahlolana ya kuka ndlela, ni swikombiso.

¹⁰Atatirisa vukanganyisi hinkwabyu bya vubihi, akuva akanganyisa lava lahlekaka, hikuva vanga khensanga, nambi kupfumela xihlayelamfuri lexi afaka xi tava huluxa.

¹¹Hiswoswo, a Hosi yi pfumeleli leswaku vafumiwa hi ntamu wa vukanganyisi, leswaku wu vayisa kupfumela madrimi.

¹²Xileswo kuyentxiwa yavanyisiwo dra lava vangapfumelangakiki ku xihlayelamfuri, kambe valangi kuyentxa vubihi.

¹³Kambe loko ali hine, vamakweru lava varandrekaka Hosisni, hi fanela kutlangela Xikwembu Nkulukumba, himinkama hinkwayu hikola kwenu. Hikusa Yone yin'wihlawulile akuva vakuranga kuyamukela kuhuluxiwa, hi ntiro wa Moya ni hi kupfumela kwenu ku xihlayelamfuri.

¹⁴Hikola ka Ivangeli yeru, Xikwembu Nkulukumba an'wivitaneli kutava ni xiyenge xa lidrumu dra Hosi yeru Yesu Kriste.

¹⁵Hikolahu-ke, vamakweru yimani n'witiya, ni kubekisa hi kudumbeka leswi hinga n'widondrisa, swa swihila leswi hi n'witivisiki, hiritu kumbe kungava hi mapapela yeru.

¹⁶Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

¹⁷tatani timbilu tenu hi kudumba, ni kuminyika kutiya vuneneni, kungava hi mintiro swanga hi maritu.