Read ronga II Tsl 3 Bible Online

II Tsl 3 - ronga bible

II Tsl 3

¹Avugan'wini vamakweru, hi kombelelani ku Xikwembu Nkulukumba leswaku a Ritu drakwe driya mahlweni drihangalaka hi kuhangwesa, ni kuva driyamukeliwa ha hombe swanga hileswi driviki xi swone a makari kwenu.

²Kombelani Xikwembu Nkulukumba akuva ahihuluxa ku vhanu vavubihi ni va kusomboloka. A vadumbeki vhanu hinkwavu!

³Kambe a Hosi yidumbekile. Yone yitan'winyika ntamu ni kun'wibiyelela vubihini.

⁴Hinyika kudumba ku Xikwembu Nkulukumba leswaku n'wine n'witaya mahlweni minkama hinkwayu n'wiyentxa leswi hi n'wileletiki.

⁵Ingi a Hosi yinga fambisa timbilu tenu lirandrwini dra Xikwembu Nkulukumba ni kutiya loku pfaka ku Kriste.

⁶Vamakweru hidjula kun'wileleta hi vito dra Hosi yeru Yesu Kriste, leswaku n'witravukana ni hinkwavu vamakweru lava vahanyaka na vangayentxi ntxhumu, na vangalandrikiki tidondro teru ni swihila leswi vaswiyamukeliki ku hine.

⁷N'wine ha byenu n'waswitiva swinene leswaku n'wifanekela kulandra xikombiso xeru. Kutani hine ahifamba-fambanga halanu na hinga yentxi ntxhumu,

⁸ahidanga mahala kati dra wa kukari. Kambe hitiri hi kunonon'wa, vusiku ni nhlikanhi, akuva hinga bindreli ni mun'we wenu.

⁹Ahi leswaku afa hingena mfanelo ya kuyamukela xa ntxhumu xa kukari.

¹⁰Kambe hi randri kun'winyika xikombiso xa kuyentxa swanga hi laha hiyentxiki ha kone. Loko hi vi halanu, hin'wibyeli livaleni leswaku lweyi angadjulikiki kutira, angade.

¹¹Hiyingeli kuhlayiwa leswaku halanu kufamba-famba vakukari vangayentxikiki ntxhumu, kumbe vatitata hiswakuka lisima.

¹²Hidjula kun'wileleta hi kuswihanyisisisa ku lava kunhati, hi vito dra Hosi Yesu, leswaku a vatire hikurula ni kukuma kati ledri vadaka.

¹³Vamakweru, n'wingatxhuki n'wikarala ni kutrongo a kutira leswinene.

¹⁴Loko wakukari angayingiseti swileleto leswi hi n'winyikaka ku papela ledri, lavisisani leswaku n'wikhanelisana ni lweyi wakuyini, n'winga hanyisaneni na yene akuva atakhomiwa hi tingana.

¹⁵Ku hinkwaswu minga mutameli swanga nala, kambe n'wimukhata swanga makwenu.

¹⁶A Hosi, Xikwembu Nkulukumba wa kurula aan'winyike kurula kwake minkama hinkwayu ni hi tindlela hinkwatu. A Hosi ayive na n'wine hinkwenu.

¹⁷Mine Pawulosi na n'widrungula, ni trala hi vutama bya xiyandla xanga. Lexi i xikombiso xa kuva n'witivisisa hinkwawu mapapela yanga. Dri xi leswi letela dranga.

¹⁸Ingi a timpswalu ta Hosi yeru Yesu Kriste tingava na n'wine hinkwenu.