Read ronga II Tmt 4 Bible Online

II Tmt 4 - ronga bible

II Tmt 4

¹Amahlweni ka Xikwembu Nkulukumba ni ka Kriste Yesu, lweyi atakayavanyisa lava vahanyaka ni lava vafiki, hi vito dra kuvoneka kwake ni hi Mfumu wakwe; nakukombela nili:

²Rera ritu, utiyisa hi nkama lowu faneliki, ni hinkama lowu wungafanelikiki, khata, khongotela, khwavela hi mbilu ya kuleha, ni hi kudondrisa.

³Hikusa wutatlhasa nkama lowu vangatiki yamukela dondro leyi hanyisaka, kambe hi kunavela kwavu vatatihlengeletela vadondrisi lava vataka dondrisa leswi vaswitrhavelaka.

⁴Vata fularisa tindleve tavu a xihlayelamfurini, vahambukela aswihitanini.

⁵Kambe wene hiteka atimhakeni hinkwatu, ukhinyela kuxanisekeni, uyentxa ntiro wa mureri wa Ivangeli, uhetisisa a vutireli byaku.

⁶Hikusa mine nita nyiketiwa amhambeni swoswi; ankama wa kunyiketiwa kwanga wutlhasile.

⁷Nilwile akulwa loku kunene, niheti akutrutruma kwanga, nibeki akupfumela kwanga.

⁸Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

⁹Hatla uta ku mine swoswi-swoswi.

¹⁰Hikusa Demasi anitrikile, arandraka nkama wa swoswi; aya Tesalonika, Kresenti ayi Galaxiya, Tito ayi Dalamasiya.

¹¹Luka a vuswake a kola na mine. Buyisa Marka; hikusa i mupfuni lweyi munene ku mine amintirweni.

¹²Tikiko ni mu rumi a Efesa.

¹³ Loko uta, tana ni djansi ledri ninga drisiya le Trowasi ku Karpo, kun'we ni mabuku, ngopfu-ngopfu laya xikhumba.

¹⁴Alixandre lweyi wa mufuli wa nsuku anihoxeli ngopfu; a Hosi yitamutlhelisela hi mintiro yake.

¹⁵Tivonele ku yene hikusa ayalisi ngopfu maritu yeru.

¹⁶Akuyanguleni kwanga ka kusungula, afa kunge na mhunu lweyi a yimaka na mine hinkwavu vanitrikile, ingiki vangadrivaleliwa.

¹⁷Kambe Hosi yaniyimelelile, yininyiki ntamu, akuva akurera kwanga ka Ivangeli kuhetiseka ku mine, lava vangeke vakhongoti hinkwavu vakota kuniyingela masiku hinkwawu, nive nihuluxiwa non'wini wa ndrawu.

¹⁸Hosi yita ni huluxa mintirweni hinkwayu leya kubiha, yi ni bekisa Mfun'wini wa yone wa le Matilweni. A kutwala a kuve ku yone hi minkama ni minkama. Amen.

¹⁹Drungula Presila na Akila ni va yindlu ya Onesiforo.

²⁰ Erasto asali Korinto; Trofimo na musiyi Mileto na avabya.

²¹Hatla uta na vuxika byinga sitlhasa. Ubulo a wakudrungula, na Pude, na Lino, na Klawudiya, ni vamakweru hinkwavu.

²²Hosi ayi ve ni moya waku. A timpswalu a tive na n'wine.