Read ronga Tit 3 Bible Online

Tit 3 - ronga bible

Tit 3

¹Vadrimuxe leswaku vatibeka hansi ka vafumi ni tindruna; leswaku vavayingiseta ni leswaku vatrhama na vatilulamiseli a kutira mintiro le minene;

²vangalumbeti mhunu, vava vhanu va kurula, varandri va hinkwavu, vakombisa kunabyala hinkwaku ku vhanu hinkwavu.

³Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

⁴Kambe loko kuvoneki a vunene bya Muhuluxi weru, Xikwembu Nkulukumba, ni lirandru drakwe ku vhanu,

⁵kungali hi mintiro ya vululami leyi hine himiyentxaka, kambe hi kulandra a lirere drakwe, ahihuluxi hi kuhlampswa loku kunyikaka a vutomi byimpswha, ni kuyentxiwa vampswha hi Moya wa Kuxwenga,

⁶lowu awutxeliki ku hine hi kuyandra, ha Yesu Kriste Muhuluxi weru,

⁷akuva, hiyentxiwa valulami hi timpswalu ta Xikwembu Nkulukumba, hiva hindruluka, swanga hi kulavisela, vadi-va-pfindla dra vutomi lebyi byingahelikiki.

⁸Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.

⁹Kambe a kukanetana ka vusinge, ni timhaka tifambelanaka ni kulongoloka ka tinxaka, ni timholova, ni kuphikisana mayelano ni nawu, leswo hinkwaswu switingawule, hikusa aswipfuni ha ntxhumu, mfuri i swakuka-ndlela.

¹⁰A mhunu lweyi arandraka a kuvanga a mintlawa, mutshinyi kan'we kumbe kubiri, ntrhaku mutravuxe,

¹¹na utiva leswaku a mhunu lweyo asombolokile mfuri awadoha na hi leswo atiyavanyisa ha vuswake.

¹²Loko nitakurumela Artenasi kumbe Tikiko, tikarate uta ku mine a Nikopolisi, hikusa ni tibekiseli kutrhama kone vuxika hinkwabyu.

¹³Longelela Zenasi, lweyi wa mudondrisi wa nawu, na Apolo, aliyendrweni dravu, akuva vangakiyeleliwi hi ntxhumu.

¹⁴Na vone a vaka-kweru avadondre a kutinyiketela amintirweni leminene lomu kunganikuvilela, akuva vangativa lava vakuka-vangabindruli mihandru.

¹⁵Hinkwavu lava vanga na mine vakudrungula. Drungula lava vahirandraka akupfumeleni. A timpswalu aative na n'wine hinkwenu!