Read ronga Heb 1 Bible Online

Heb 1 - ronga bible

Heb 1

¹Xikwembu Nkulukumba kati loku a khanelile na vatatana hi minkama leya kutala ni hi tindlela leta kutala hi vaprofeta.

²A minkameni leyi ya vugamu, a khanelile na hine hi n'wana wakwe, lweyi amubekiki kuva mudi wapfindla dra mintxhumu hinkwayu, lweyi na kone avumbiki misava ha Yene.

³Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

⁴Aviki andruluka wa ntamu ngopfu kutlula tintrumi, hileswi ayamukeliki vito ledri tlulaka dra tone.

⁵ Lweyi ha kunene angasiki nahlaya nambi kuyin'we ku tintrumi aku: Wene un'wananga, xana mine, namuhla ni kutumbuluxile? Nakone mfuri, angahlayanga ku ntrumi ni yin'we aku: Mine nitava tatana wakwe, kutani Yene atava n'wananga?

⁶Na kambe, loko akurumela N'wana wakwe lweyi wa kuva swake misaveni ate: Atintrumi hinkwatu ta Xikwembu Nkulukumba tifanela kumugandrela!

⁷Ke, loko kuli hi tintrumi kutraliwi leswaku: Ku lweyi arumela tintrumi swanga timheho, ni varumiwa vakwe kufana ni malangavi ya ndrilo;

⁸Kambe kuli hi tlhelo dra N'wana, kutraliwi vaku: Axiluvelo xaku, wene Xikwembu Nkulukumba i xa minkama hinkwayu; Anhonga ya vuhosi byaku, i nhonga ya kululama kwaku.

⁹Urandra vululami, uvenga vusomboloki: Hikolahu-ke, Xikwembu Nkulukumba, Xikwembu Nkulukumba waku, akutotile hi mafura yakutrhava, kutlula vanakuloni.

¹⁰Nakone; Akusunguleni, wene Hosi, ubekile masungulo ya misava, na wone matilo i ntiro wa mavoko yaku,

¹¹wone matasuva, kambe wene utatrhama nkama hinkwawu; wone mataduhwala swanga xiyambalo;

¹²kambe utamasonga kufana ni kapulana, matandruluka swin'wana, matandruluka swin'wana, Kambe wene utatrhama ehe wene, a malembe yaku mangaka manga heli.

¹³Ke, hi yini kutintrumi asamiki ahlaya ni leswaku: Trhamisa xineneni xanga ni ko ni beka valala vaku a hansi ka minkondro yaku.

¹⁴Kasi ahi mimoya leyi mitiraka, mirumiwiki kutirela lava vafanekelaka kuda pfindla draku huluka xana?