Read ronga I Yhn 3 Bible Online

I Yhn 3 - ronga bible

I Yhn 3

¹ Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

²Varandriwa, swoswi hi vana va Xikwembu Nkulukumba, kambe leswi hitakava xiswone aswinakukombisiwa. Kambe haswitiva leswaku loko Yene ahumelela hita fana na Yene, hikusa hita muvona swanga hileswi anga swone.

³Lweyo ni lweyo angani kulavisela ku Yene, awa tibasisa ha swake, swanga ha Yene a basiki.

⁴Lweyo ni lweyo ayentxaka xidoho na swone atlula nawu, hikusa a xidoho i kutlula nawu.

⁵ Kutani n'wine n'wiswitiva ngopfu swinene leswaku Yene ativonekiseli kutata susa a swidoho sweru, kutani ku Yene akuna xidoho.

⁶Lweyo ni lweyo anga ku Yene, angatrhami na adoha. Kutani lweyo ni lweyo lweyi a ahayentxaka xihono, angamuvonanga na kone angamutivanga.

⁷Vana vanga, n'wingatitriki n'wikanganyisiwa hi mhunu! Lweyo ni lweyo ayentxaka kululama a lulamile, swanga ha Yene alulamiki.

⁸Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.

⁹Lweyo ni lweyo apswaliwiki hi Xikwembu Nkulukumba angahanyi hi kuyentxa swidoho; hikusa ambewu ya Xikwembu Nkulukumba yitrhami ku yene; angana kuswikota kuhanya hikudoha, hikusa apswaliwi hi Xikwembu Nkulukumba.

¹⁰Kuleswo akuhambana ka vana va Xikwembu Nkulukumba ni vana va Diyavulosi, hi loku: lweyo ni lweyo angayentxikiki kululama, mfuri angarandrikiki makwavu angapfi ku Xikwembu Nkulukumba.

¹¹ Hikusa i ritu ledri n'wine n'widriyingeliki kusukela kusunguleni, ledri draku: hirandrananeni van'we ku van'wana.

¹²Hingafani na Kayini, lweyi afaka ali lwenfani, xiswoswo, angadlaya makwavu. Amudlayi hikola ka yini xana? Hileswi mintiro yake afaka mibihile, na kasi ya makwavu afa milulamile.

¹³Vamakweru n'wingahlamaleni loko a misava min'wivenga.

¹⁴ Haswitiva hine leswaku ahikhaluti hi kulifu hiya vuton'wini, hikusa hi randra vamakweru. Lweyi akalaka angarandri makwavu aha file.

¹⁵Lweyo ni lweyo anyenyaka makwavu, i mudlayi. Kambe n'wine n'waswitiva leswaku a vadlayi avana vutomi lebyingahelikiki ndreni kwavu.

¹⁶Hileswo, hitiva lirandru: leswaku Kriste anyiketiki vutomi byake hinkonta yeru, hine hifaneli kunyiketa vutomi byeru hinkonta ya vamakweru.

¹⁷Kambe loko mhunu ali xipfundri, kutani avona makwavu lweyi apfumalaka, amupfalela mbilu yake, swingakotekisa kuyini leswaku alirandru dra Xikwembu Nkulukumba dringatrhama ku yene xana?

¹⁸Vana vanga, hingarandreni hi maritu kumbe hikuvulavula, kambe hi mintiro ni hi xihlayelamfuri.

¹⁹Hindlela leyo hitaswitiva leswaku hi va xihlayelamfuri, ni leswaku hi rulisa ni timbilu teru amahlweni kwake.

²⁰Loko atimbilu teru tihirambela, kunene Xikwembu Nkulukumba i nkulu kutlula timbilu teru, mfuri ativa amintxhumu hinkwayu.

²¹Varandriwa, loko timbilu teru tinga hiyavanyisi, lahu hini kudumba kukulu amahlweni ka Xikwembu Nkulukumba,

²²kutani lexo ni lexi hi xikombelaka, hita xiyamukela ku Yene, hikusa hi bekisi swileleto swake na mfuri hi yentxi leswi switrhavisaka amahlweni kwake.

²³ Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

²⁴Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.