Read ronga III Yhn 1 Bible Online

III Yhn 1 - ronga bible

III Yhn 1

¹ Mine, murangeli lwenkulu, ku murandriwa Gayo, lweyi ni murandraka hi xihlayelamfuri.

²Murandriwa, henhla ka hinkwaswu, ni kukombelela leswaku hinkwaswu swikufambela hahombe ni leswaku uva ni vutomi byinene, na drone hika draku adrihanyi ha hombe.

³Ni nyoxi ngopfu hikuta ka van'we vamakweru, ni hi vumboni byavu hikola ka xihlayelamfuri xaku, leswaku wene ufamba xihlayelamfurini.

⁴Akunyoxa kukulu i kutiva leswaku a vananga vahanya hi kufambelana ni xihlayelamfuri.

⁵Murandriwa, wene ufamba hi kudumbeka ka kuhinkwaswu leswi uswiyentxaka ku vamakwenu, leswo uswiyentxa nambi ku vayeni vatiko drin'wana.

⁶Vone lava vangabeka vumboni bya lirandru draku mahlweni ka nhlengeletanu. Utava uyentxa swone loko uvalongelela swa liyendro dravu, kutlhasa vugan'wini, hi ndlela leyi yifanelaka ya Xikwembu Nkulukumba;

⁷hikusa ave hikola ka Vito vahumiki, vangayamukeli ntxhumu wa lava va-Matiko.

⁸Hileswo-ke, hifanela kuyamukela vamakweru lavo, akuva hitandruluka vatirikulobye vaxihlayelamfuri.

⁹Nitraleli papelanyana ku kereke; kambe Diyotrefesi, lweyi a randraka kuva wakusungula makari kwavu, anganiyamukeli.

¹⁰Hikolahu loko nitata halanu, nita n'widrimuxa mintiro yake leyi yene amiyentxaka, ahihleva hi maritu ya kubiha. Kambe aninyoxi hileswi, mfuri yene angayamukeli vamakwavu, na kone atrimbisa lava va vayamukelaka, atlhela avahlongola a kerekeni.

¹¹Murandriwa, ungayetisi leswakubiha, kambe ina yetisa leswaku xonga. Lweyi a yentxaka leswakuxonga i wa Xikwembu Nkulukumba, kambe lweyi a yentxaka leswi swakubiha angativi Xikwembu Nkulukumba.

¹²Loko ali Demetriyo, vhanu hinkwavu vahlaya swahombe ha yene, na xihlayelamfuri hi ntshima xihlaya swahombe ha yene. Na hine hibeka vumboni, wa switiva wene leswaku avumboni byeru i xihlayelamfuri.

¹³Afa naha ni mintxhumu ya kutala ya kukutralela, kambe anirandranga kuyentxa hi papela ni tinta;

¹⁴kutani nirindrela kukuvona hi kuhangwesa, na kolahu hitakhanela kun'we.

¹⁵A kurula akuve na wene! A vanakuloni vahalenu va kudrungula. Drungula halanu a vanakulori, vito hi vito.