Read ronga Mpf 20 Bible Online

Mpf 20 - ronga bible

Mpf 20

¹Kutani ni vona ntrumi yixika hi le tilweni, na yi ni mpfungulu wa khele drakuyeta ni mpentxana leyikulu vokweni dra yone;

² yikhoma dragoni, a nyoka ya khale, anga Diyavulosi kumbe Sathana, kutani yakumuboha ha khume dra madzana ya malembe (1000).

³Kolahu a ntrumi yimutxukumetela kheleni drakuyeta, kutani yimupfalela, yibeka xifungu henhla kwake, akuva angaha kanganyisi matiko, kuko kuhela khume dra madzana ya malembe (1000). Ntrhaku ka swone ata fanela kuntrhunxiwa hi nkamanyana.

⁴ Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

⁵Loko vali van'wana lava kufa, avahatlhelelanga vuton'wini kuko kuhela khume dra madzana ya malembe (1000). Loko, hi kone kupfuxiwa ka vafi kakusungula.

⁶Akatekile nakone ahlawulekile, lweyi angani xiyenge akupfukeni ka vafi loko ka kusungula, ku volavo a kufa ka vubiri akuna ntamu henhla kwavu. Vatava vaprista va Xikwembu Nkulukumba ni va ka Kriste, kutani vata fuma na Yene ha khume dra madzana (1000) ya malembe.

⁷Loko kuheli khume dra madzana (1000) ya malembe, Sathana ata ntrhunxiwa abohelweni drakwe.

⁸Atahuma akuva akanganyisa matiko hinkwawu ku mune wa makhona ya misava, Gogi na Magogi, atama hlengeletela a kulwa; a nhlayo ya swoleswo yi fana ni misava ya lwandle.

⁹Vakhandriyi livaleni dra misava, kutani vatrandrela govelo dra tinsasi, ni muti lowu wakurandreka; kuxika ndrilo wa le tilweni wuva heta.

¹⁰Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

¹¹Ntrhaku ni voni xiluvelo lexi xikulu xa kuphatima, ni lweyi afaka atrhami ku xone. A tilo ni misava switrutruma mahlweni ka vuso byake, akavanga ni mbangu ku vone.

¹² Nakone ni voni ni vafi hinkwavu, lavakulu ni lavatrongo, lava faka vayimisiwile mahlweni ka xiluvelo na vapfuli mabuku. Nangweso mapfuliwile mabuku, ni buku drin'wana, kupfuliwa ni buku dra vutomi. Kutani a vafi vatremeliwi ntremo mayelana ni mintiro yavu, ni hi leswi afaka switraliwile amabukwini lawo.

¹³A likhulu drinyikela vafi lava afaka vali ku drone, a lifu ni gehena na swone swinyikeli a vafi va swone, na mun'wana-ni-mun'wana atremeliwa tremo hi mintiro yake.

¹⁴A lifu ni gehena switxukumetiwi tiveni dra ndrilo. A tiva ledri dra ndrilo i lifu dra vubiri.

¹⁵Kutani lweyi afaka kunga traliwanga vito drakwe abukwini dra vutomi, atxukumetiwi ativeni dra ndrilo.