Read Runyoro - rutooro Kub 16 Bible Online

Kub 16 - Runyoro - rutooro bible

Kub 16

¹Sarai mukazi w'Abburamu akaba atamuzaaliire baana, Sarai akaba anyina omuzaana Omunyamisiri, ibara lye Hagara;

²Sarai yagambira Abburamu ati: “Nyowe Ruhanga akanyima abaana, temba ekitabu ky'omuzaana wange; uwe taikara kukuzaara abaana.” Abburamu yahurra Sarai eki yamugambiire.

³Abburamu ogu, akaba amazire emyaka ikumi ali omunsi Kanaani, Sarai mukazi we kumuha Hagara Omunyamisiri omuzaana we kumuswera.

⁴Abbburamu yagendera Hagara, Hagara yatwara enda; obu yarozire atwaire enda, yatandika kugaya mugole we.

⁵Sarai yagambira Abburamu ati: “Emigayo enu ei arukunyoleka, na iwe naakagikwoleke! Nkakuha muzaana wange omuswere, obu yarozire atwaire enda, yangaya. MUKAMA aturamule, iwe na nyowe.”

⁶Baitu Abburamu yamugarukamu ati: “Ngira omuzaana ogu aba wawe, niwe omulema, mukole eki orukwenda.” Aho Sarai yatandika kumutuntuza, Hagara nukwo kumwirukaho.

⁷Malaika wa MUKAMA yasanga Hagara ha iziba erikaba liri omwirungu, ha muhanda ogwatwaraga Suuru:

⁸yamukaguza ati: “Hagara omuzaana wa Sarai, nooruga ha kandi noogya ha?” Hagara yagarukamu ati: “Ninyiruka Sarai mugole wange.”

⁹Nubwo Malaika yamugizire ati: “Garuka hali mugole wawe omwebundaalize.”

¹⁰Yayongera yamugambira ati: “Ndikanyisa muno abaijukuru bawe baliba baingi muno, tibalisobora kubarwa.”

¹¹Malaika yayongera yamugambira ati: “Dora, oina enda, noija kuzaara omwana omwojo, olimuruka ibara Isimairi, habwokuba MUKAMA arozire omuhito gwawe.

¹²Aliba nk'enyamaiswa ey'omu kisaka araarwanisaaga buli muntu, kandi araarwanisibwaga buli muntu, taikirranizeege n'ab'oruganda rwe boona.”

¹³Aho Hagara yasiima MUKAMA ayabalize na uwe yamweta ibara “Ruhanga anyakurora.” Nukwo kugamba ati: “Mazimakwo nkyali mwomeezi kandi kunu ndozire MUKAMA.”

¹⁴Nahabweki iziba eri, nikyo lyeterwa iziba ly'ogu ayarozire MUKAMA kandi yagaruka yayomeera, liri hagati ya Kadesi na Beredi.

¹⁵Hagara yazarra Abburamu omwana omwojo kandi Abburamu yamuruka ibara Isimairi.

¹⁶Abburamu kuzaaraho Hagara omwana, akaba ahikize emyaka kinaana na mukaaga ey'obukuru.