Read Runyoro - rutooro Kub 20 Bible Online

Kub 20 - Runyoro - rutooro bible

Kub 20

¹Abburahamu obu yarugire oku, yakwata omuhanda ogurukugenda omunsi Negebu, yaikara hagati ya Kadesi na Suuru kandi yayombeka Gerali.

²Abburahamu akabiihabiiha abantu yabagambira ati: “Omukazi ogu Saara, munyanya-nyowe.” Aho Abimereki omukama wa Gerali, yatuma bamutwarre Saara.

³Baitu ekiro, Ruhanga yaizira Abimereki omu kirooto, yamugambira ati: “Wamanya? Wafa, omukazi ou otwaire waija kumugwaho, habwokuba mukamusaija.”

⁴Omu kasumi ako, Abimereki akaba atakateraine n'omukazi ogu, nikyo yagambiire ati: “MUKAMA oraita ihanga eritaine musango?

⁵Abburahamu wenka tinuwe yangambiire ngu omukazi ogu munyanya-nyowe? Kandi n'omukazi wenka tinukwo yangambiire? Kinu nkakikora nnanukiire kimu kandi ntaina kabi aka ndukwenda kukora omusaija ogu.”

⁶Aho Ruhanga yagambira Abimereki omu kirooto ati: “Mmanyiire kimu nkooku wakikozire onanukiire kimu kandi ninyowe nakutangire kunsobyaho, nikyo ntarakwikiririize kumuhikaho.

⁷Hati nu, omusaija mugarurre mukazi we, habwokuba murangi kandi naija kukusabira oyomeere. Baitu kakuba otamugarurra mukazi we, omanye nkooku orukwija kufakwo, n'ebyawe byona.”

⁸Abimereki, nukwo kwimuka nyenkya kara, yayeta abaheereza be boona,

⁹Aho Abimereki yayeta Abburahamu yamukaguza ati: “Eki okatukora ki? Nkakusobyaho ki eki wasigikiireho kundeetera ekibi ekirukwingana aho hamu n'abantu bange? Okankora ebintu ebitasemeriire kukorwa.”

¹⁰Abimereki yakaguza Abburahamu ati: “Okagenderra ki kukora ekintu nk'eki?”

¹¹Abburahamu yagarukamu ati: “Ekyankoleze eki, nagiraga nti abantu ab'omu kiikaro kinu tibatiina Ruhanga naakake, kandi nti nibaija kunyita bantule mukazi wange.

¹²Okwongera hali eki omukazi ogu, munyanya-nyowe mali mali, tuzaarwa isiitwe omu, twahuranwa banyina itwe; kandi nuwe naswiire.

¹³Kandi Ruhanga obu yandagiire okuruga omuka ya ise nyowe, nkagambira omukazi ogu nti: ‘Kinu nikyo ekikorwa eky'embabazi eki osemeriire kunkorra, hoona hoona ha turakahikaga, ogambege oti: omusaija ogu munyanya-nyowe.’ ”

¹⁴Aho Abimereki yakwata entaama, ente, abairu n'abazaana yabiha Abburahamu, kandi yamugarurra mukazi we Saara.

¹⁵Abimereki yagamba ati: “Dora, ensi yange ngigyo noogirora, genda oikale nambere orukwenda.”

¹⁶Yagambira Saara ati: “Munyanyoko mmuhaire ebicweka by'Efeeza rukumi, oku nukwo kukwihaho ekihemu omumaiso g'abantu boona aboikara na bo; kandi okugumya omumaiso ga boona nkooku otaina kabi.”

¹⁷Aho Abburahamu yayesengereza Ruhanga, Ruhanga yajumurra Abimereki kandi yajumurra na mukazi we n'abazaana be, nukwo bazaara abaana.

¹⁸Habwokuba enju y'Abimereki yoona MUKAMA akaba agiimire oruzaaro ha bwa Saara muka Abburahamu.