Read Runyoro - rutooro Kub 5 Bible Online

Kub 5 - Runyoro - rutooro bible

Kub 5

¹Kinu nikyo kitabu ekirukwoleka oruzaaro rw'Adamu. Ruhanga obu yahangire omuntu, akamuhanga omunsisana ye.

²Akahanga abantu babiri omusaija n'omukazi, obu yamazire kubahanga, yabaha omugisa, yabaruka ibara muntu.

³Adamu obu yahikize emyaka kikumi n'asatu, yazaara omwana omwojo arukumusisanira kimu, ow'ekisisani kye kyonyini, yamuruka ibara Seesi.

⁴Emyaka Adamu ei yayomiire amazire kuzaara Seesi, ekahika runaana; akazaara abaana abandi, aboojo n'abaisiki.

⁵Nukwo kugamba, emyaka yona Adamu ei yayomiire ekahika rwenda n'asatu; yafa.

⁶Seesi obu yahikize emyaka kikumi n'ataano, yazaara Enosi.

⁷Seesi obu yamazire kuzaara Enosi, yayomeera emyaka runaana na musanju, akazaara abaana abandi aboojo n'abaisiki.

⁸Nukwo kugamba, emyaka yoona Seesi ei yayomiire, ekahika rwenda mu ikumi n'ebiri; yafa.

⁹Enosi obu yahikize emyaka kyenda, yazaara Kenani.

¹⁰Enosi obu yamazire kuzaara Kenani, yayomeera emyaka runaana mu ikumi n'etaano, akazaara abaana abandi aboojo n'abaisiki.

¹¹Nukwo kugamba, emyaka yoona Enosi ei yayomiire, ekahika rwenda n'ataano; yafa.

¹²Kenani obu yahikize emyaka nsanju, yazaara Maharaleeri.

¹³Kenani obu yamazire kuzaara Maharaleeri, yayomeera emyaka endi runaana n'amakumi ana, akazaara abaana abandi aboojo n'abaisiki.

¹⁴Nukwo kugamba, emyaka yoona Kenani ei yayomiire, ekahika rwenda mwikumi, yafa.

¹⁵Maharaleeri obu yahikize emyaka nkaaga n'etaano, yazaara Yaledi.

¹⁶Maharaleeri obu yamazire kuzaara Yaledi, yayomeera emyaka endi runaana n'asatu, akazaara abaana abandi aboojo n'abaisiki.

¹⁷Nukwo kugamba, emyaka yoona Maharaleeri ei yayomiire, ekahika runaana kyenda n'etaano; yafa.

¹⁸Yaledi obu yahikize emyaka kikumi n'enkaaga n'ebiri, yazaara Enoka.

¹⁹Yaledi obu yamazire kuzaara Enoka, yayomeera emyaka endi runaana, akazaara abaana abandi aboojo n'abaisiki.

²⁰Nukwo kugamba, emyaka yoona Yaledi ei yayomiire, ekahika rwenda nkaaga n'ebiri; yafa.

²¹Enoka obu yahikize emyaka nkaaga n'etaano, yazaara Metusera.

²²Enoka obu yamazire kuzaara Metusera, yakoraga Ruhanga ebi arukugonza kumara emyaka bikumi bisatu, akazaara abaana abandi aboojo n'abaisiki.

²³Nukwo kugamba, emyaka yoona Enoka ei yayomiire, ekahika bisatu mu nkaaga n'etaano.

²⁴Enoka yakoraga Ruhanga ebi arukugonza, atongere kurorwa, habwokuba Ruhanga akamutwara.

²⁵Metusera obu yahikize emyaka kikumi mu kinaana na musanju, yazaara Lameki.

²⁶Metusera obu yamazire kuzaara Lameki, yayomeera emyaka endi rusanju mu kinaana n'ebiri, akazaara abaana abandi aboojo n'abaisiki.

²⁷Nukwo kugamba, emyaka yoona Metusera ei yayomiire, ekahika rwenda mu nkaaga na mwenda; yafa.

²⁸Lameki obu yahikize emyaka kikumi mu kinaana n'ebiri, yazaara omwana omwojo,

²⁹yamuruka ibara Noha, yagamba ati: “Itaka Ruhanga eri yakyenere, omwana onu aliritwihiramu okuhumura tuleke kutalibana n'emikono yaitu.”

³⁰Lameki obu yamazire kuzaara Noha, yayomeera emyaka endi bitaano mu kyenda n'etaano, akazaara abaana abandi aboojo n'abaisiki.

³¹Nukwo kugamba, emyaka yoona Lameki ei yayomiire, ekahika rusanju mu nsanju na musanju; yafa.

³²Noha obu yamazire kuhikya emyaka bikumi bitaano, yazaara abaana basatu; Seemu, Haamu na Yafeesi.