Read Runyoro - rutooro 2 Sam 4 Bible Online

2 Sam 4 - Runyoro - rutooro bible

2 Sam 4

¹Iseboseesi mutabani wa Saulo obuyahuliire Abbuneeri nkooku afiire, agwire Hebburoni, yahwa amaani, Abaisirairi boona baatiina.

²Mutabani wa Saulo akaba aina abasaija babiri, abakaba bali ngabwa ez'ebitebe ebiseesi; ibara ly'omu, nuwe Bbaana, ery'owakabiri, nuwe Rrekabu, bombi batabani ba Rrimoni, omusaija ow'oruganda rwa Bbenyamiini ayarugire Beroosi, (Beroosi nayo yayetwaga ya Bbenyamiini);

³baitu Ababerosi bakasingirwa Gitahimu, nuho baikara okuhika na hati.

⁴Yonasaani mutabani wa Saulo akaba aina omwana omwojo omu ow'akaba aramaire amaguru, ibara lye Mefiboseesi. Nambere haiziire amakuru agaarugire Yezereeri, agarukubika Saulo na Yonasaani, akaba ahikize emyaka etaano; omulezi we yamuhimba yairuka; omulezi we ogu obwakaba nairuka naayanguha muno, omwana ogu yagwa, aho nuho haamurugiire obulema.

⁵Aho batabani ba Rrimoni Omuberosi, Rrekabu na Bbaana, baimukya, baahika hanju ya Iseboseesi omu ihangwe, omukasumi ako, Iseboseesi akaba yabyamaho ahuumwire

⁶omukazi omulinzi w'enju akaba naahehemukya engano, oturo twamukwata, yabyama; Rrekabu na Bbaana owanyina, nukwo kusooba bakataaha omunju.

⁷Obubaataahire omunju, baarora Iseboseesi abyamire ha kitabu kye omukisiika eky'okuraaramu, baamucumita, baamwita, baamucwaho omutwe. Omutwe gwe baagutwara, bakaraara nibarubata ekiro kyona, baatwarwa omuhanda ogw'Arabba,

⁸baaguleetera omukama Daudi Hebburoni. Baamugambira bati: “Dara omutwe gwa Iseboseesi mutabani wa Saulo omunyanzigwa wawe ayayendaga kukwita; waitu, kiro kya hati, MUKAMA aholiire mukama wange enzigu hali Saulo n'oruzaaro rwe.”

⁹Baitu Daudi yagarukamu Rrekabbu na Bbaana owanyina batabani ba Rrimoni Omuberosi ati: “Nindahira MUKAMA omwomeezi ayanjunire obubi bwona,

¹⁰omuntu onu obuyangambiire ngu Saulo afiire, naateekereza ngu akaba naambaliza amakuru amarungi, nkamukwata namwitira Zikiraga, egi niyo yabaire mpeera namusaswire habw'amakuru agayandetiire.

¹¹Abantu ababi obubaraaba baisire omuhikiriire, baamunaga omunju ye ha kitabu kye, eki nakozire buli, hati tinkikizeeho? Tikimpikiriire kubajunaana esagama ye, na inywe nkabahwerekereza mukaruga omunsi?”

¹²Daudi yaragira abaserikale be, baabaita, baabacwaho emikono n'amaguru, baabahanika Hebburoni haihi n'ekiyanja. Baitu omutwe gwa Iseboseesi, bakagutwara baaguziika Hebburoni omukituuro ekyaziikirwemu Abbuneeri.