Read Runyoro - rutooro 2 Bakam 24 Bible Online

2 Bakam 24 - Runyoro - rutooro bible

2 Bakam 24

¹Omu businge bwa Yehoyakimu, Nebukadeneeza Omukama wa Babuloni nubwo yaizire, Yehoyakimu yafooka muheereza we okumara emyaka esatu; kandi yahinduka yamujeemera.

²MUKAMA nukwo kumutwekera ebitebe eby'Abakalidaaya, eby'Abasiriya, eby'Abamowabbu, n'eby'Abaamoni, barwanise Yuda bagihwerekereze, MUKAMA nkooku yabaliize omu baheereza be abarangi.

³Mazimakwo, kinu kikahikaho Yuda, habwokuba habw'ebibi byona Manaase ebi yakozire MUKAMA akaragira bamuruge omumaiso,

⁴na habw'esagama ey'abantu abataina musango ei yaseesire habwokuba Yerusaalemu akarwijuza esagama ey'abataina musango, kandi eki MUKAMA yayanga kukibaganyira.

⁵Ebintu ebindi Yehoyakimu ebi yakozire, bikahandiikwa omu katabo eky'obusinge obw'abakama ba Yuda.

⁶Yehoyakini akafa nka baisenkuru oku baafiire, omutabani Yehoyakimu yateera engoma ye.

⁷Omukama wa Misiri atagaruke kuruga omunsi ye, habwokuba Omukama wa Babbulooni akaba atwaire ebintu bye byona, okuruga ha kasaaru ka Misiri okugarukira ha kisaaru Furaati.

⁸Yehoyakimu ha yateeriire engoma, akaba ahikize emyaka ikumi na munaana ey'obukuru, akalemera ameezi asatu omu rubuga Yerusaalemu. Ibara lya nyina, muhara wa Elinasaani owa Yerusaalemu nuwe Nehusiita.

⁹Akakora byona ebyabiihiize MUKAMA, nka baisenkuru oku baakozire.

¹⁰Omu kasumi ako, abaheereza b'Omukama Nabukadaneeza nubwo baizire Yerusaalemu, baagota orubuga.

¹¹Nabukadaneeza Omukama wa Babbulooni yaija ha rubuga, abairu be bakyarugosire;

¹²Yehoyakiini Omukama wa Yuda akeehongera Omukama wa Babbulooni, uwe na nyina, abaheereza be, abanyoro be, n'abakuru ab'ekikaali kye. Omu mwaka ogwa munaana ogw'engoma ye, akakwata Omukama wa Babbulooni yamukwata yamuta omu nkomo,

¹³itungo erikaba liri omunju ya MUKAMA n'erikaba liri omu nju y'Omukama yalitwara, ebikwato eby'efeeza ebikaba biri omunju ya MUKAMA Solomooni Omukama wa Isirairi ebi akaba akozire, MUKAMA nkooku akaba amugambiire yabitematema.

¹⁴Abantu ba Yerusaalemu boona, abanyoro boona, abasaija boona emanzi, abayankomo boona hamu bakahika omutwaro gumu; abafundi boona n'abaheesi; hatabeho n'omu ayasigaire, okwihaho abantu abakiraga okuba banaku omunsi egi.

¹⁵Yehoyakiini na uwe, akamutwara Babbulooni; nyina Omukama, abago, abanyoro be, n'abantu ab'ekitiinisa abarukumanywa, abo boona akabaiha Yerusaalemu, yagenda yabakwatira Babbulooni.

¹⁶Omukama wa Babbulooni, abasaija boona emanzi, abarukuhika kasanju, abafundi n'abaheesi aburukuhika orukumi rumu, akabatwara Babbulooni bali banyankomo, boona omulibo, bakaba bali bantu b'amaani kandi abasemeriire kurwana obulemu.

¹⁷Omukama wa Babbulooni, akakwata Matania isento nuwe yafoora MUKAMA omu kiikaro kye, ibara lye Mataniya yalihindura yamuruka Zedekiya.

¹⁸Zedekiya ha yateeriire engoma, akaba ahikize emyaka amakumi abiri na gumu, akalemera emyaka ikumi na gumu omu rubuga Yerusaalemu. Ibara lya nyina muhara wa Yeremiya owa Libuna nuwe Hamutaali.

¹⁹Akakora byona ebinyakubiihiza MUKAMA nka Yehoyakimu oku yakozire.

²⁰Habwokuba MUKAMA akabiihirirwa muno abantu ba Yerusaalemu n'Abayuda, nukwo kubabinga omumaiso ge. Kandi Zedekiya akeemera Omukama wa Babbulooni.