Read Runyoro - rutooro 1 Byok 14 Bible Online

1 Byok 14 - Runyoro - rutooro bible

1 Byok 14

¹Hiramu OMUKAMA wa Taya, akatumaho Daudi abakwenda yamutwekera emiti emikogoto, aboombeki ab'amabaale, n'ababaizi ab'okumwombekera enju.

²Daudi, nukwo kumanya MUKAMA nkooku amugumize abe mukama wa Isirairi, kandi habw'abantu be Abaisirairi, obukama bwe nkooku bukaba nibunyumizibwa muno.

³Daudi obwakaba ali Yerusaalemu, akongera yaswera abakazi abandi, yayongera yazaara abaana abandi, aboojo n'abaisiki.

⁴Ganu nugo mabara g'abaana aba yazaaliire Yerusaalemu: Samuwa, Sobbabbu, Nasani, Solomooni,

⁵Ibbuhaara, Erisuwa, Elipereti,

⁶Nooga, Nefegi, Yafiya,

⁷Elisaama, Beriyada n'Elifereti.

⁸Abafirisiti obu baahuliire Daudi aseesirweho amagita abe mukama ow'okulema Isirairi yoona, boona boona baimuka baagenda kumuserra; Daudi na uwe, eki yakihurra nukwo kugenda kubarwanisa.

⁹Omu kasumi ako, Abafirisiti bakaba baizire, baseesiire ekihanga kya Refaimu.

¹⁰Daudi yakaguza Ruhanga ati, “Abafirisiti abo ngende mbarwanise? Oraabampa mbasingule?” MUKAMA yamugarukamu ati, “Irooko ogende, ninyija kubakuha obasingule.”

¹¹Daudi yagenda Bbaali-Peraziimu, oku nuho yabasinguliire; nukwo kugamba ati, “Abanyanzigwa bange, Ruhanga abahagwize omukono gwange, nk'amaizi oku gahagura.” Ekiikaro eki, nukwo kwetwa Bbaali-Peraziimu.[6]

¹²Abafirisiti obu bairukire baasigayo ebisisani by'embandwa zaabo, Daudi yaragira babyokye.

¹³Abafirisiti, kandi bakongera baaseesira ekihanga.

¹⁴Daudi obu yayongiire yakaguza Ruhanga, Ruhanga akamugarukamu ati, “Otabakurata; oyehingulirize obagwere omu maiso g'emiti emitugunda.

¹⁵Obu oraahurra enkamba y'abarukurubata omu masonsolya g'emitugunda, nubwo oseese; habwokuba, ndaaba nkwebembiire, kusingura ihe ry'Abafirisiti.”

¹⁶Daudi yakora Ruhanga nkooku yamuragiire, ihe ly'Abafirisiti baalisingura, okuruga Gibbyoni, okuhika Gezere.

¹⁷Daudi yaranganwa omunsi zoona, MUKAMA yamuha kutiinwa amahanga goona.