Read Runyoro - rutooro 1 Byok 17 Bible Online

1 Byok 17 - Runyoro - rutooro bible

1 Byok 17

¹Daudi obwakaba ali omunju ye, akagambira Nasani omurangi ati, “Nyowe nindaara omunju eyayombekerwe emiti emikogoto, baitu Esanduuko ey'Endagaano ya MUKAMA, yo eri omu heema.”

²Nasani yagarukamu Daudi ati, “Kora kyona ekikuli ha mutima, habwokuba Ruhanga ali na iwe.”

³Baitu ha kiro eki kyonyini omu bwire bw'ekiro, Ruhanga akagambira Nasani ati,

⁴“Genda ogambire omwiru wange Daudi oti, ‘MUKAMA naagamba ati: Enju ey'okwikaramu, tali iwe ow'alinginyombekera.

⁵Okuruga obu najunire Abaisirairi nabaiha Misiri, okuhika na hati, tinkaraaraga omunju, nkaikara nindaara omu heema, ninduga omu kiikaro kimu, ningenda omu kindi.

⁶Omu biikaro byona ebi nagenziremu na Isirairi yoona, ndakagwizeho abamu ha bacwi b'emisango aba Isirairi, aba naragiire kurolera abantu bange, nti. “Habwaki mutaranyombekiire enju ey'emiti emikogoto?”’

⁷Hati nu, ogambire omwiru wange Daudi oti, MUKAMA ow'amahe naagamba ati, ‘Nkakwiha omu iriisizo nooliisa entaama nukwo obe mwebembezi w'abantu bange Abaisirairi;

⁸kandi hoona nambere wakagenzire, naikaraga na iwe, nahwerekerezaaga abazigu bawe boona otakabahikireho; ndikufoora murangaanwa nk'abantu ab'ekitiinisa ab'omunsi yoona.

⁹Ndikomera abantu bange Abaisirairi ekiikaro; kandi ndibabyara bakiikalemu, tibaligaruka kutengatengesibwa; kandi abaana b'obubi tibaligaruka kubahwerekereza nk'okubanza.

¹⁰Okuruga omukasumi aka nateeriireho abacwi b'emisango kulema abantu bange Abaisirairi ndisingura abanyanzigwa bawe boona. Ekindi, ninkumanyisa nti, MUKAMA nuwe alikwombekera enju.

¹¹Ebiro byawe obu birihwaho, kugenda kwikara na baswenkuru, ndiimukya oruzaaro rwawe, iwe omazire kurugaho, omu ha batabani bawe, ndimufoora mukama, kandi obukama bwe ndibufoora bw'amaani.

¹²Ogu nuwe alinyombekera enju, kandi obusinge bwona, ndigumya ekitebe ky'obukama bwe.

¹³Ndiba ise, kandi na uwe aliba mwana wange; tindireka kumugonza muno, nkooku nalekere kugonza oli ayakwebembiire,

¹⁴baitu ebiro byona, ndimugumya omunju yange n'omubukama bwange, kandi ekitebe ky'obukama bwe na kyo kirigumibwa ebiro n'ebiro.’ ”

¹⁵Nasani yagambira Daudi ebigambo ebi byona, kandi yamumanyisa amakuru gabyo goona.

¹⁶Daudi nubwo yataahire omu heema yaikarra omumaiso ga MUKAMA yagamba ati: “Ai MUKAMA Ruhanga, ninyowe oha, kandi enju yange niyo eha iwe nukwo empikye hanu?

¹⁷Ai Ruhanga, eki okakirora nk'ekintu ekitoito; kandi okabazaaho enju y'omuheereza wawe, hakyasigaire akasumi kakooto, Ai MUKAMA Ruhanga, okandora nk'omuntu ow'ekitiinisa!

¹⁸Habw'ekitiinisa eki ohaire Daudi omwiru wawe; ayongere akugambe ki? Omwiru wawe omumanyire.

¹⁹Ai MUKAMA, habw'omwiru wawe na habw'omutima gwawe gwonka, nikyo okoliire ekintu eky'ekitiinisa kinu kyona, noomanyisa ebintu ebikuru binu byona.

²⁰Ai MUKAMA, okusigikira hali byona ebi twayehuliriire n'amatu gaitu, busaho n'omu arukukusisana, kandi okwihaho iwe tiharoho Ruhanga.

²¹Ihanga ki erindi omunsi yoona, erisisana abantu bawe Abaisirairi, Ruhanga aba yagenzire kucungura babe bantu be, wayereetera ekitiinisa habw'ebintu ebikooto kandi ebitiinisa ebi wakozire noobinga amahanga, abantu bawe aba wacungwire waiha Misiri batakagahikire?

²²Abantu bawe Abaisirairi, niwe wabafoire bantu bawe ebiro byona; kandi iwe Ai MUKAMA, wafooka Ruhanga wabu.

²³Hati nu, Ai MUKAMA, ekigambo wagambireho omwiru wawe n'enju ye, okihikirize obusinge bwona, okole nkooku wagambire;

²⁴ibara lyawe ligumibwe kandi linyumizibwe ebiro n'ebiro, nirigambwa liti, ‘MUKAMA ow'amahe, Ruhanga owa Isirairi, nuwe Ruhanga owa Isirairi,’ kandi enju y'omuheereza wawe Daudi, erigumibwa omu maiso gawe.

²⁵Ruhanga wange, habwokuba niiwe wamanyisize omwiru wawe nkooku olimwombekera enju; nikyo atungiire obumanzi obw'okukusaba.

²⁶Ai MUKAMA, niiwe Ruhanga kandi niiwe wanihiize omwiru wawe ekintu ekirungi kinu;

²⁷habweki, hati oikirize kuha enju y'omwiru wawe omugisa, eyeyongere kwikara omu maiso gawe obusinge bwona; habwokuba iwe MUKAMA eki omara kuha omugisa kiriikara kihairwe omugisa ebiro n'ebiro.”