Read Runyoro - rutooro 1 Byok 24 Bible Online

1 Byok 24 - Runyoro - rutooro bible

1 Byok 24

¹Binu nibyo ebihanda bya batabani b'Arooni: Nadabbu, Abihu, Eryeza na Itamara.

²Baitu Nadabbu n'Abihu, nubo baabandize kufa, isebo atakafiire, kandi bakafa batazaire baana, Eryeza na Itamara, nukwo kufooka banyakatagara.

³Daudi yabategekeraga emirimo yabu, naakonyerwa Zadooki owa batabani b'Eryeza, n'Ahimereki owa batabani ba Itamara.

⁴Abanyoro abarukukira obwingi, nkooku bakaba nibasangwa, omu batabani b'Eryeza, okukira omu ba Itamara, baabategeka omu maju gabaisenkurubo ikumi na mukaaga, ag'omubatabani b'Eryeza, kandi munaana ag'omubataani ba Itamari.

⁵Bakabategeka nibabateerra itomo, boona nibabainganainganiza, habwokuba omu batabani b'Eryeza n'aba Itamari, hakaba harumu abanyoro ab'ekiikaro abeezibwe, nubwo abanyoro ba Ruhanga.

⁶Semaya omuhandiiki mutabani wa Nesaneeri Omuleevi, yabahandiikira omumaiso g'omukama, abanyoro, Zadooki nyakatagara, Ahimereki mutabani w'Abyasara, n'ag'abakuru b'amaju ga baisenkurubo, banyakatagara n'Abaleevi; enju ya baisenkurubo emu, ekakomerwa Eryeza, emu yakomerwa Itamara.

⁷Ayabandize kukwatwa itomo ery'okubanza ni Yehoyaribbu, owa kabiri Yedaaya,

⁸owa kasatu Harimu, owa kana Seyolimu,

⁹owa kataano Malukiya, owa mukaaga Miyamiinu,

¹⁰owa Musanju, Hakozi, owa munaana Abiya,

¹¹owa mwenda Yesuwa, owa ikumi Sekaniya,

¹²owa ikumi n'omu Eliyasibbu, owa ikumi na babiri Yakimi,

¹³owa ikumi na basatu Hupa, owa ikumi na bbana Yesebeyabbu,

¹⁴owa ikumi n'abataano Biriga, owa ikumi na mukaaga Imeri,

¹⁵owa ikumi na musanju Hezeri, owa ikumi na munaana Hapizeezi,

¹⁶owa ikumi na mwenda Pesahiya, ow'amakumi abiri, Yehezekeeri,

¹⁷ow'amakumi abiri n'omu Yakini, owa makumi abiri na babiri Gamuli,

¹⁸owa makumi abiri n'abasatu Delaaya, owa makumi abiri na bbana Maaziya.

¹⁹Abo nubo bakaba bakomiirwe omulimo, ogw'okutaahaga omunju ya MUKAMA, nibahondera engeso ei bakwasiibwe Arooni isenkurubo, MUKAMA Ruhanga wa Isirairi nkooku yamuragiire.

²⁰Kandi banu nubo abaasigaireho ha batabani ba Leevi: Ha batabani b'Amuraamu Subbaweli; ha batabani ba Subbaweli, Yehodeya.

²¹Ha batabani ba Rehabbiya, Isiya nuwe omukuru.

²²Haba Izuhaara: Seremoosi; ha batabani ba Seremoosi, Yahasi.

²³Banu nubo batabani ba Hebburooni: Yeriya nuwe omukuru, hakurataho Amariya, hataho Yahaziyeri nukwo haija, owa kana Yekameyamu.

²⁴Mutabani wa Uzyeri Miika; mutabani wa Miika, Samiri.

²⁵Owanyina Miika, Isiya, omu batabani ba Isiya Zekariya.

²⁶Banu nubo batabani ba Merali: Mahali na Muusi. Mutabani wa Yaaziya, Beno.

²⁷Batabani ba Merali: aba Yaaziya, Beno, Sohamu, Zakuli na Ibbuli.

²⁸Owa Mahali, nuwe Eryeza, ogu atazaale baana aboojo.

²⁹Mutabani wa Kiisi nuwe Yerameeri.

³⁰Batabani ba Muusi: Mahali, Ederi na Yerimoosi. Abo nubo batabani b'Abaleevi ebitabu bya baisenkurubo nkooku bikaba biri.

³¹Abo nabo, omukuru weena omunju ya ise na muto we, bakateera itomo omu maiso g'omukama Daudi, omumaiso ga Zadooki, Ahimereki, n'ag'abakuru ab'amaju ga baisenkurubo, aga banyakatagara n'ag'Abaleevi, beene baabo batabani b'Arooni nkooku baakozire.